Bazar ertəsi islamçıların hüquqlarını Müdafiə Komitəsi həbsdə olan islamçıların hüquqlarının pozulması ilə bağlı bəyanat yayıb.
İran radiosu vasitəsilə yayılan bəyanatda komitə İslam Partiyasının həbsdə olan sədri Mövsüm Səmədova qarşı amansız münasibətə etirazını ifadə edir. M.Səmədovun 3 il müddətinə Qobustan qapalı həbsxanasına göndərilməsinin nəzərdə tutulması partiya sədrinin həyatı barədə narahatlığı artıran amil kimi dəyərləndirilib.
Həbsxanada olan M.Səmədova, ilahiyyatçı alimlər Tale Bağırov və Abgül Süleymana qarşı amansızılıq siyasi sifariş, qisasçılıq və tədrici fiziki terror adlandırılır. Bu şəxslərin həyatı ilə bağlı baş verəcək hər hansı xoşagəlməz hala görə Penitensiar Xidmətin birbaşa cavabdehlik daşıyacağı barədə xəbərdarlıq olunur.
İslam Partiyasının müvəqqəti sədri Elçin Manaflı Turan-a belə bir bəyanatdan xəbərdar olduğunu deyib və həbsdəki islamçılara qarşı zorakılıqlara etiraz olaraq aksiya keçirilməsinin nəzərdə tutulduğunu bildirib. O, ölkədə qurban bayramı tədbirləri başa çatdıqdan sonra aksiyanın keçirilməsinə yer ayrılması üçün Bakı meriyasına müraciət edəcəklərini söyləyib.-05D/B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz