10 gündən çoxdur ki, REAL hərəkatının lideri İlqar Məmmədovun barəsində məlumat yoxdur.
Sentyabrın 24-də Şəki Apellyasiya Məhkəməsi onun barəsində hökmü qüvvədə saxlayıb. Ertəsi gün İ.Məmmədov Şəki təcridxanasına aparılıb.
“Biz İlqara görə çox narahatıq. Onunla bağlı bizə, hətta vəkillərə də məlumat verilmir. Bu, həm ailəyə, həm də İlqarın özünə mənəvi əzab verir”, - İ.Məmmədovun həyat yoldaşı Vəfa Məmmədova Turan-a bildirib.
V.Məmmədova İlqarın Şüvəlan təcridxanasında olduğunu güman edərək ötən həftə oraya gedib, lakin bağlama qəbul etməyiblər.
“Mənə dedilər ki, onların məlumat verməyə ixtiyarı yoxdur. Yalnız məhbuslar cəzaçəkmə yerləri üzrə bölüşdürüldükdən sonra onlarla görüşmək olar. Xalid Bağırova da görüş üçün icazə verilməyib”, - V.Məmmədova qeyd edib.
Vəkillərin müvafiq orqanlara müraciətləri cavabsız qalıb. Penitensiar Xidmətdən şərh almaq mümkün olmayıb.
Qeyd edək ki, İsmayıllı hadisələri ilə bağlı mühakimə olunmuş Müsavat Partiyasının sədr müavini Tofiq Yaqublu haqqında da həftə ərzində məlumat almaq mümkün olmayıb.
Ötən həftənin sonunda onun qızı Nigar Yaqublu bildirib ki, atası 13 saylı koloniyaya yerləşdirilib.
Amnesty International İ.Məmmədovu və T.Yaqublunu “vicdan məhbusu” kimi tanıyıb.
Mayın 20-də Avropa İnsan Hüquqları Məhkəməsi İ.Məmmədovun İsmayıllı hadisələri üzrə cinayət məsuliyyətinə cəlb olunarkən hüquqlarının pozulduğunu tanıyıb.-16B-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz