“Nota Bene” qəzetinin redaktoru, həbsdə olan Sərdar Əlibəyli KİV rəhbərlərinə və müxalifət liderlərinə müraciət edərək adının və fotosunun “vicdan məhbusları” siyahısından çıxarmağa çağırıb.
Onun müraciət Penitensiar Xidmət tərəfindən yayılıb.
S.Əlibəyli qeyd edir ki, “yaranmış vəziyyət, xüsusən də dünyanın çağdaş geopolitik durumunda olduqca təhlükəli xarakter alıb. Azərbaycan hər an getdikcə artan aqressiv terrorizmin, eləcə də dünyanı yenidən bölmək istəyən transmilli qüvvələrin hədəfinə tuş gələ bilər. Bu isə bizə ən yaxşı halda Ukraynanın, ən pis halda isə Suriyanın vəziyyətinə düşməyi vəd edir”.
Odur ki, S.Əlibəyli müxalifəti və bütün ictimai-siyasi qüvvələri
düşmənçilik ritorikasından əl çəkib “yurdda sülh, cahanda sülh” amalı ilə barış və əməkdaşlığa çağırır.
Sonra o, Avropa Parlamentinin son qətnaməsi və bu ətrafda yaranmış vəziyyətdən narahat olduğunu bildirib.
Xatırladaq ki, P.S.Nota qəzetinin və РS.nota.com online nəşrinin redaktoru Sərdar Əlibəyli 2013-cü il iyulun 31-də həbs olunub.
Həmin il noyabrın 13-də Xətai Rayon Məhkəməsi S.Əlibəylini 221.3 (silah və ya silah kimi istifadə edilən əşyanın tətbiqi ilə xuliqanlıq törətmək) maddəsi üzrə təqsirli bilərək 4 il müddətinə azadlıqdan məhrum edib.
İstintaq və proses zamanı jurnalist ittihamları rədd edərək siyasi motivlərlə təqib olunduğunu bildirib.
Onun sözlərinə görə, həbsinin əsl səbəbi www.psnota.com saytında “22 iyul –azad və milli mətbuatın son günü” adlı yazının dərcidir.
S.Əlibəyli məqalədə yazıb ki, həqiqəti söyləyənlər barmaqlıqlar arasındadır, satılmış mətbuat isə pul və mənzillər alır.
Yazı ölkə rəhbərliyinin və güc qurumları rəhbərlərinin təsvir olunduğu kollajla müşayiət edilib.
Həbsdən sonra bir sıra yerli və beynəlxalq təşkilatlar S.Əlibəylinin müdafiəsinə qalxıblar.
S.Əlibəylini müdafiə edənlərin çoxu hazırda özləri həbsə düşüblər.
Gələcəkdə S.Əlibəylinin də hökumətin ətrafında sıx birləşməyə çağıran digər siyasi məhbuslar kimi əfv olunanların siyahısına düşə biləcəyi istisna olunmur.-06В-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz