Müdafiə naziri Zakir Həsənov və onun birinci müavini, Silahlı Qüvvələrin Baş Qərargah rəisi Nəcməddin Sadıqov cəbhəyanı zonaya səfər ediblər.
Müdafiə Nazirliyinin mətbuat xidmətinin məlumatına görə, onlar hərbi hissələrdə şəxsi heyətlə görüşüblər və vəziyyətlə tanış olublar.
Generallar həmçinin döyüş növbəsi çəkən əsgərlər və zabitlərlə söhbət ediblər.
Onlar cəbhəyanı hərbi hissələrin döyüş hazırlığı, şəxsi heyətin mənəvi-psixoloji vəziyyəti, hissələrin maddi-texniki təchizatı, onların silahlar və texnika ilə təmin edilməsi vəziyyəti ilə tanış olublar.
Komanda heyətinin məruzələri və təklifləri dinlənilib, döyüş hazırlığının artırılması, hərbi intizamın gücləndirilməsi, hərbiçilərin sosial vəziyyətinin yaxşılaşdırılması üzrə tapşırıqlar verilib. -06D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz