Hərbi mənbələr iki yüksək rütbəli hərbçinin – Müdafiə Nazirliyi Baş Təftiş İdarəsinin rəisi, Milli Qəhrəman Fəxrəddin Cəbrayılovun və Naxçıvanski adına litseyin rəisi Mirzə Almazovun işdən çıxarılması barədə məlumatı təsdiqləyirlər. Bu məlumat cümə günü sosial şəbəkələrdə yayılıb. Müdafiə Nazirliyi bununla bağlı sorğuya cavab verməyib.
Xatırladaq ki, Müdafiə Nazirliyi Baş Təftiş İdarəsinin üç əməkdaşı rüşvətxorluğa görə həbs olunublar. Baş Təftiş İdarəsində korrupsiya barədə xəbərlər yayıldıqdan sonra Müdafiə Nazirliyinin rəhbərliyi araşdırma apararaq idarə əməkdaşlarının fəaliyyətində ciddi nöqsanlar aşkar edib. Toplanmış materiallar Baş Prokurorluğa göndərilib.
Hərbi mənbələrdən Turan-a məlum olub ki, söhbət işçilərin rüşvətxorluğundan gedir. Belə ki, onlar hərbçilər arasında baş verən pozuntuları qeydə almamaq üçün rüşvət alıblar. Onların hərəkətlərindən dövlət başçısına şikayət edilib.
Təhqiqat MTN-ə tapşırılıb və öz növbəsində nazirlik nəticələri dövlət başçısına təqdim edib. Məlumatlara görə, üç zabit məhkəmənin qərarı ilə 4 ay müddətinə həbs olunub. Onlara qarşı CM-in 311-ci maddəsi (külli miqdarda rüşvətxorluq) ilə cinayət işi açılıb.
Baş Prokurorluğun mətbuat xidmətindən Turan-a həbs faktını təsdiqləyiblər, lakin əlavə məlumat verməyiblər. “Zərurət yaranarsa, ictimaiyyətə məlumat veriləcək”, - mətbuat xidmətinin nümayəndəsi bildirib.
General Almazovun işdən çıxarılmasının səbəblərinə gəlincə, detallar hələlik məlum deyil. Təsdiqlənməmiş məlumatlara görə, söhbət sui-istifadədən gedir.-02D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz