Ərdoğanı ifşa edən prokurorlar Ermənistanda gizlənirlər

  Türkiyə prezidenti Rəcəp Tayyip Ərdoğan tələb edib ki, Ermənistana qaçan türkiyəli prokurorlar Zəkəriyyə Öz və Cəlal Kara dərhal vətənə qayıtsınlar. Bu barədə ötən gün TürkiyəninTRT Haber proqramı bildirib.

Buna cavab olaraq Ermənistan Milli Təhlükəsizlik Xidməti bildirib ki, bu adda və soyadda adamlar ölkə ərazisinə keçməyiblər. Bu barədə “Nezavisimaya qazeta” bildirib.

“Zəkəriyyə Öz və Cəlal Kara 2013-cü ilin sonlarında korrupsiya qalmaqalının araşdırılması ilə bağlı hadisələr zamanı tanınıblar. Belə ki, dekabrın 17-də tanınmış biznesmenlər və Ərdoğan hökumətinin bir neçə üzvü və onun qohumları həbs olunub. Bundan sonra Ərdoğan prokurorların rütbəsini azaldıb, onları səlahiyyətlərdən məhrum edib.

Bu ilin mayında Z.Öz və C.Kara tutduqları vəzifədən azad ediliblər. Sonra onların həbsinə order verilib. İstintaq keçmiş prokurorları Fətullah Gülənin hərəkatını dəstəkləməkdə və qanunsuz silahlı birləşmələrin yaradılmasında ittiham edib.

Lakin Z.Özü və C.Karanı həbs etmək mümkün olmayıb. Onlar yoxa çıxıblar. Bir neçə gündən sonra Anadolu agentliyi bildirib ki, keçmiş prokurorlar Türkiyə-Gürcüstan sərhəddini keçiblər və Gürcüstandadırlar.

Bir qədər sonra agentlik Artvin əyalət qubernatoruna isnadən bildirib ki, onlar Gürcüstanı da tərk edərək Ermənistana gediblər.

Lakin rəsmi Yerevan hələlik bu məlumatı şərh etmir.-02D-