![Müdafiə Nazirliyinin Silah və Texnika İdarəsinin rəisi vəzifəsindən uzaqlaşdırılıb](https://turan.az/resized/media/2016/main/032900150985-750-500-resize.webp)
Müdafiə Nazirliyinin Silah və Texnika İdarəsinin rəisi vəzifəsindən uzaqlaşdırılıb
Azərbaycan Müdafiə Nazirliyinin Silah və Texnika İdarəsinin rəisi, polkovnik Yaqub Əhədov bu günlərdə vəzifəsindən azad olunub.
“Polkovnik Yaqub Əhmədov xidməti fəaliyyətində yol verdiyi nöqsanlara görə tutduğu vəzifədən azad edilib”, Müdafiə Nazirliyinin mətbuat xidmətindən Turan-a bildiriblər.
Mətbuat xidməti polkovnikin yol verdiyi nöqsanların nədən ibarət olduğunu açıqlamayıb.
Yerli media polkovnikin Rusiyadan silah alınmasında yol verdiyi nöqsanlara görə vəzifədən uzaqlaşdırlılması, rütbəsinin aşaı salınması və barəsində cinayət işinin açılmasına dair məlumatlar dərc edir.
AzPolitika.info saytı dəqiqləşdirib ki, Yaqub Əhədov Rusiya baş nazirinin müavini Dmitri Roqozinin martın 3-də Bakıya qəfil səfərindən dərhal sonra vəzifəsindən uzaqlaşdırılıb və barəsində cinayət işi açılıb.
“Bu fakt ehtimal etməyə əsas verir ki, Müdafiə Nazirliyinin yüksək çinli rəsmisinin “vurulmasının” Roqozinin Bakıya səfəri, dolayısı ilə Rusiyayla silah alış-verişinə bağlılığı var”.
Saytı məlumatlandıran mənbə də polkovnik Əhədovun işində 3.5 milyonluq hansısa gizli müqavilənin rolundan bəhs edib, lakin təfərrüata varmaqdan imtina edib.
Xatırladaq ki, Roqozinin Bakıya iki ölkə arasında hərbi-texniki əməkdaşlıq barədə Azərbaycan prezidenti İlham Əliyevlə müzakirə aparmaq üçün gəldiyi elan olunmuşdu. Roqozinlə bərabər Bakıya “Rosoboroneksport”un və hərbi-texniki əməkdaşlıq üzrə Federal Xidmətin rəhbərliyi də gəlmişdi. Rusiya mətbuatı yazırdı ki, Azərbaycan tərəfi silah alışı üzrə müqavilələrin öhdəliklərini yerinə yetirmədiyinə – aldığı silahın pulunu ödəmədiyinə görə Roqozun Bakıdadır.
Lakin Azərbaycanın xarici işlər naziri Elmar Məmmədyarov bu məlumatı təkzib edərək Rusiya silahlarının Azərbaycana tədarükünə dair müqavilələr üzrə ödənişlərlə bağlı problemin olmadığını, hərbi-texniki sahədə əməkdaşlığın uğurla inkişaf etdiyini bildirmişdi.
“Azərbaycan müqavilələrə uyğun olaraq bütün ödənişləri edir, lakin onların icrası ilə bağlı problemlər var. O mənada ki, Azərbaycana daxil olan silahlar müqavilələrdə qeyd olunan texniki parametrlərə uyğun olmalıdır”, - E. Məmmədyarov qeyd edib.
E.Məmmədyarov xatırladıb ki, Rusiya Federasiyası baş nazirinin müavini Dmitri Roqozin martın əvvəlində məhz parametrlərlə bağlı problemin nədən ibarət olduğunu anlamaq üçün Bakıya səfər edib və ətraflı izah alıb, heç bir problem qalmayıb.
“Əsas odur ki, mal kondisiyaya uyğun olsun. Sazişlərin bir hissəsi üzrə hər şey plana uyğun gedir. Məsələ burasındadır ki, bir neçə konkret silah növünün texniki parametrlərinə düzəliş etmək lazımdır. Və bu, D.Roqozinin sözlərinə görə, ən qısa vaxt ərzində həll olunacaq”, - nazir əlavə edib.
Yaqub Əhədovun barəsində cinayət işinin açılıb-açılması ilə bağlı Hərbi Prokurorluqdan hələ məlumat almaq mümkün olmayıb. -03D-
-
- İqtisadiyyat
- 29 Mart 2016 13:37
-
- İqtisadiyyat
- 29 Mart 2016 15:14
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz