Bu gün vəkil Elçin Sadıqov bloger Mehman Hüseynovun barəsində hökmdən apellyasiya şikayəti verib.
Vəkil Turan-a bildirib ki, 23 səhifəlik apellyasiya şikayəti bütün vəziyyəti əhatə edir. Müdafiə tərəfi blogerə bəraət verilməsini xahiş edir.
Şikayətə baxılma prosesi zamanı həbs qətimkan tədbirinin dəyişdirilməsi və prosesin qismən məhkəmə istintaqı ilə keçirilməsi təklif edilir.
Vəkilin sözlərinə görə, birinci məhkəmə instansiyası 10 gün ərzində şikayəti ittihamçıya göndərməli və sonra iradlarla birlikdə Apellyasiya Məhkəməsinə göndərməlidir.
Vəkil hesab edir ki, martın sonlarında- aprelin əvvəllərində Bakı Apellyasiya Məhkəməsində ibtidai iclas təyin edilə bilər.
E.Sadıqov bu gün Şüvəlan təcridxanasında bloger ilə görüşüb. M.Hüseynov onun müdafiəsinə başqa vəkillərin qoşulmasına etiraz etmir.
*Mehman Hüseynov Nəsimi Rayon Polis İdarəsinin rəisi Musa Musayevin iddiası üzrə 2 il azadlıqdan məhrum edilib. Məhkəmə Nəsimi polisində ona işgəncə verilməsilə bağlı M.Hüseynovun dediklərini böhtan kimi qəbul edib.
Yerli və beynəlxalq hüquq-müdafiə təşkilatları M.Hüseynovun həbsini kəskin pisləyərək onun azadlığa buraxılmasını tələb ediblər.—06D--
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz