“Torpaqları Oğuz-Qəbələ-Qəbələ Bakı su kəmərinin təsirinə məruz qalmış mülkiyyətçilərə verilməli olan vəsaitlər hara xərclənib bilinmir, bu məsələ ilə bağlı məhkəmələrə təzyiqlər edirlər”, - Neftçilərin Hüquqlarını Müdafiə Komitəsinin sədri Mirvari Qəhrəmanlı Turan-a bildirib.
Hüquq müdafiəçisi deyir ki, məhkəmələrə təzyiqlər nəticəsində 3 nəfərin məhkəməsi 6 ildir ki, davam edir: “6 ildən sonra Oğuz rayonundan olan 2 nəfər mülkiyyətçinin xeyrinə çıxarılmış və qanuni qüvvəyə minmiş məhkəmə qərarı olsa da 11 aydır ki, qərar icra olunmur.
Hüquq müdafiəçisi deyir ki, torpağı zəbt edilən Qəbələ sakini Əli Soltanov mülkiyyət hüququ ilə ona məxsus torpağa görə kompensasiyanı almadan vəfat edib.
Hüquq müdafiəçisi deyir ki, Ə.Soltanova məxsus 36 sot torpaq sahəsi Bakı-Qəbələ - Oğuz su kəmərinin altına düşüb, sahə dövlət ehtiyacları üçün alınsa da 2006-cı ildən həmin torpaqlara görə kompensasiya ödənilməyib: “2006-cı ildə bu torpaqlara görə kompensasiyanın ödənilməsi ilə bağlı “Azərsu” ASC-yə müraciətlər etsə də heç bir nəticəsi olmayıb. 2011-ci ildən isə məhkəmlərə müraciət edib.
M.Qəhrəmanlı “Azərsu” ASC-nin hüquqi və ya qeyri- hüquqi manevrləri nəticəsində bu mülki işin 6 ilə yaxındır ki, məhkəmələrdə süründüyünü deyir və bildirir ki, yalnız 2016-cı ildə Yasamal Rayon Məhkəməsinin qətnaməsilə Ə.Soltanova “Azərsu” ASC-dən 43 000 manat pulun tutulması qərara alınıb: “Hazırda “Azərsu” ASC-nin verdiyi apellyasiya şikayəti əsasında mülki iş Bakı Apellyasiya Məhkəməsinin hakimi İkram Şirinovun icraatındadır. 11 il ərzində çox çalışsa da 2017-ci ilin fevral ayında Ə.Soltanov kompensasiya almadan vəfat edib.
2006-cı ildə prezident sərəncamına əsasən Oğuz-Qəbələ-Bakı su kəmərinin çəkilişinə başlanılıb. Su kəmərinin çəkilişilə bağlı Oğuz və Qəbələ rayonlarından 3250 mülkiyyətçinin torpqları dövlət ehtiyacı adı ilə alınıb, su kəmərinin sifarişçisi olan “Azərsu” 10 ildən çoxdur ki, torpaqları kəmər altına düşən mülkiyyətçilərin əksəriyyətinə dəyən ziyana görə kompensasiya ödəməyib.
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz