Müsavat Partiyası Naxçıvan təşkilatının sədri Sabir Vəliyev bu gün saat 15-16 radələrində ciddi fiziki zorakılığa məruz qalıb. Bu haqda Turan-a AXCP Naxçıvan təşkilatının sədri Yaşar Bağırsoy bildirib.
Onun sözlərinə görə, 59 yaşlı Müsavat sədrini döyənlərin kimlikləri məlum deyil. S.Vəliyevin küçədə uzanıb qalmasını qonşuları ailəsinə xəbər verib.
Döyülmə nəticəsində S.Vəliyev 1 litrə qədər qan itirib, durumu ağırdır.
Ailənin çağırışı əsasında sahə müvəkkili S.Vəliyevin evinə gəlib, araşdırma aparılacağını bildirib.
Hüquq-mühafizə orqanları indiyə kimi cinayətkarların kimliklərini müəyyənləşdirməyib. -05B-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz