Bakı/02.11.15/Turan: Müsavat Partiyası antidemokratik şəraitdə, hakimiyyətin tam nəzarəti altında olan seçki komissiyaları tərəfindən, bərabər siyasi rəqabət və təbliğat imkanları prinsipini kobud surətdə pozmaqla, faktiki olaraq alternativsiz keçirilmiş, cəmiyyətin etimad göstərmədiyi 1 noyabr parlament seçkilərinin nəticələrini tanımır. Seçkilərin nəticələrinin ləğv edilməsini və Azərbaycan hakimiyyətindən təkrar seçkilərin keçirilməsini tələb edir. Bu barədə bu gün Müsavat Partiyasının başqanı Arif Hacılı partiyanın mərkəzi qəırargahında keçirdiyi mətbuat konfransında bildirib.
A.Hacılı yaxın saatlarda bununla bağlı Müsavat Partiyası, NİDA Vətəndaş Hərəkətı və REAL Hərəkatının birgə bəyanatının olacağını da bildirib.
Onun firkincə xalq seçkilərdə faktiki iştirak etməyib.
“Müşahidəçilərin hesablamalarına görə, seçicilərin seçkilərdə iştirak faizi təqribən 10 faiz olub. Bu, xalqın seçkilıəri boykot etməsi deməkdir. Bu həm də xalqın hakimiyyətə münasibətidir və əhalinin 90 faizinin dəyişikilk istəməsi deməkdir”, - A.Hacılı qeyd edib.
Müsavat başqanının fikrincə, cəmiyyətin və siyasi qüvvələrin etimadsızlıq göstərməsi səbəbindən seçkilər faktiki alternativsiz keçirilib.
“Seçki günü saysız-hesabsız qanun pozuntuları və saxtakarlıqlara yol verilib”.
O, Müsavat Partiyasının seçkilərdə iştirak edib nəticələri tanımamağın səbəbləri barədə sualın cavabında deyib ki, partiya son anda seçkilərdə iştirakdan imtina edib.
“Seçkidə iştirak siyasi taktika idi. Biz siyasi repressiyalara, təzyiqlərə, təqiblərə, həbslərə, azad medianın boğulmasına baxmayaraq, cəmiyyətin mübarizə əzmində olduğunu nümayiş etdirdik. Biz saxtakarlıqların miqyasını göstərdik. Biz xalqın müqavimət gücünü nümayiş etdirdik”, - o qeyd edib.
Müsavat başqanı “Amerikanın səsi”nə müsahibəsində seçkilərin saxtalaşdırılması, qanun pozuntuları ilə bağlı yerli və beynəlxalq məhkəmələrə müraciəıt ediləcəyini bildirib.
“Mövcud resurslarımız çərçivəsində mübarizəmizi davam etdirəcəyik”,- A.Hacılı vurğulayıb.-03C-
Cəmiyyət
-
Noyabrın 16-da paytaxtda hava tutqun olacaq, axşama doğru yağış yağa bilər. Səhər və axşam duman olacaq. Mülayim cənub-qərb küləyi şimal-qərb küləyinə keçəcək.
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
Rəy yaz