"Elvin Paşayev barəsində Bakı Apellyasiya Məhkəməsində qaldırdığımız vəsatəti hakim təmin etmədi". Bunu Turan-a E.Paşayevin vəkili Nemət Kərimli bildirib.
N.Kərimli Nərimanov rayon məhkəməsinin yanvarın 25-də E.Paşayev barəsində çıxardığı həbs-qətimkan tədbirinin ləğvilə bağlı vəsatət qaldırıb.
O qeyd edib ki, hüquqlarını müdafiə etdiyi E.Paşayev də məhkəmə prosesinə gətirilib. E.Paşayev vəkilinin qaldırdığı vəsatəti müdafiə edib. Onun sözlərinə görə, E.Paşayev narkotik ittihamı ilə bağlı həbsini əsassız adlandırıb. Həbsinə səbəb kimi siyasi fəaliyyətini, sosial şəbəkələrdə bahalığa qarşı etirazlara qoşulmasını göstərib. E.Paşayev həbsinə səbəb kimi həmçinin Sumqayıt şəhər universitetindəki rüşvətxorluqla bağlı yazılarını göstərib.
“E.Paşayevi həbsdə saxlamağa heç bir əsas yoxdur, açıq-aydın görünür ki, bu, siyasi məsələdir”, - deyə N.Kərimli qeyd edib.
E.Paşayev 2016-cı il yanvarın 23-də saxlanıb, yanvarın 25-də Cinayət Məcəlləsinin 234.4.3-cü maddəsilə (külli miqdarda narkotik dövriyyəsi) ittiham irəli sürülüb. Barəsində 4 aylıq həbs-qətimkan tədbiri seçilib. E.Paşayev Müsavat Partiyasının üzvü və “Hədəf” hazırlıq kurslarında müəllimidir. -05B-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz