S.Seyidov AŞPA-da Azərbaycanın nümayəndə heyətinin rəhbəri vəzifəsindən istefası haqqında məlumatları təkzib edib
Milli Məclisin Beynəlxalq münasibətlər komitəsinin sədri Səməd Seyidov AŞPA-da Azərbaycanın nümayəndə heyətinin rəhbəri vəzifəsindən kənarlaşdırılması haqqında məlumatları təkzib edib.
Şayiələrin yayılmasına Seyidovun AŞPA-nın bu yaxınlarda keçirilən, Qarabağ münaqişəsi ilə bağlı iki mühüm sənədin müzakirə edildiyi sessiyasında iştirak etməməsi səbəb olub. Bu zaman Britaniyalı deputat Robert Uolterin Dağlıq Qarabağda və digər işğal edilmiş ərazilərdə gərginliyin artması ilə bağlı əsas məruzəsi deputatlar tərəfindən qəbul edilməyib.
Ermənistanı cəbhəyanı rayonların sakinlərinin Sərsəng su anbarının suyundan məhrum edilməsinə görə pisləyən digər qətnamə dəstəklənib.
"AŞPA-da Azərbaycanın nümayəndə heyətinin rəhbəri vəzifəsindən azad edilməyim haqqında məlumatlar tamamilə yanlışdır", deyə Seyidov jurnalistlərə bildirib.
"AŞPA-nın qış sessiyasının işində iştirak etməməyim səhhətimdəki problemlərlə bağlıdır. Sessiyada məni nümayəndə heyətinin sədr müavini Vüsal Hüseynov əvəz edib", deyə Seyidov qeyd edib. -06D-
-
- Foto sessiyalar
- 1 Fevral 2016 17:19
-
- Cəmiyyət
- 1 Fevral 2016 18:15
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz