İmran Məmmədli
Bakı/05.01.22/Turan: Yanvarın 4-də Müsəlman Birliyi Hərəkatının üzvü İmran Məmmədli Türkiyənin Afyonkarahisar şəhərində saxlanılıb.
Məmmədli kirayədə qaldığı mənzildən çıxarkən saxlanılıb. Bir saat sonra onu geri gətiriblər, əşyalarını toplamağı tapşırıblar və geri aparıblar. Bu barədə Turan-a Hərəkatdan bildiriblər.
Hərəkatın mətbuat katibi Əbülfəz Bünyadov bildirib ki, yanvarın 3-də axşam bir qadın İmrana zəng edərək, sosial şəbəkələrdə Azərbaycan hakimiyyətini kəskin tənqid edən yazının ona aid olub-olmadığını soruşub. İmran yazını özünün yazdığını təsdiqləyib, səhər evdən çıxarkən onu saxlayıb, əl-qolunu qandallayıblar. İndiyədək saxlandığı yer barədə ailəsinə məlumat verilməyib”, - Bünyadov Turan-a bildirib.
Məmmədli Azərbaycanda axtarışda olmayıb və ona qarşı hər hansı iş qaldırılmayıb. Bünyadov bildirib ki, Məmmədli 3 ay öncə ölkədən gedib və sərhədi problemsiz keçib.
Məmmədlinin mümkün deportasiyası və ya ekstradisiyası ilə bağlı hüquq-mühafizə orqanlarından şərh almaq mümkün olmayıb.
Qeyd edək ki, Məmmədli bundan əvvəl də Azərbaycanın hüquq-mühafizə orqanları tərəfindən təqiblərə məruz qalıb. Belə ki, 2022-ci il mayın 20-də Müsəlman Birliyi Hərəkatının üzvü Razi Hümbətovun məhkəmə prosesi zamanı bu təşkilatın bir neçə fəalı saxlanılıb. 30 sutka həbs olunan üç fəalın arasında İmran Məmmədli də olub. 03В06
Cəmiyyət
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
Rəy yaz