compfight.com
Müsəlmanlar Qurban bayramını qeyd edirlər
Sentyabrın 12-dən başlayaraq həftə ərzində islam dünyasında mühüm bayramlardan biri – Qurban bayramı eyd olunur. Bayram Məkkədə Həcc ziyarətinin başa çatması ilə üst-üstə düşür.
Qurani-Kərimə görə, məlaikə Cəbrayıl yuxuda İbrahim Peyğəmbərin yanına gedərək Allahın onun yeganə oğlu İsmayılı qurban verməsini istədiyini bildirir.
İbrahim hazırda Məkkənin yerləşdiyi Mina vadisinə gedir. Bunu bilən oğlu müqavimət göstərmir, çünki atasına və Allaha itaət edirdi. Lakin bu, sınaq idi. Allah sədaqətinə görə İbrahimi mükafatlandırır və qurban kimi heyvan kəsməyi buyurur.
Bayram günü müsəlmanlar səhər tezdən məscidlərə gedir, yaxınlarının məzarlarını ziyarət edir, qurbanlıq heyvanları kəsirlər. Qurbanlıq heyvanın əti kasıblara və ehtiyacı olanlara paylanılır. Həmçinin ət qocalar və uşaq evlərinə, internatlara aparılır.
Sentyabrın 12-dən ölkənin məscidlərində bayram ibadətləri icra edilir.
Nazirlər Kabineti Qurban bayramı münasibətilə 12 və 13 sentyabrı qeyri-iş günü elan edib.
Bu il Azərbaycandan Məkkəyə Həcc ziyarətinə 1050 zəvvar gedib.
Qafqaz Müsəlmanları İdarəsi bayram münasibətilə tövsiyələrlə çıxış edib.
Bayram müraciətində qeyd olunur ki, qurban kəsmək Həcc ziyarəti edənlər üçün vacibdir. İmkanlı şəxslərin qurban kəsməsi savab iş, ətin yoxsullara paylanması isə nəcib əməldir.
Qurbanlıq heyvan sağlam və müəyyən yaşda olmalıdır: keçi və qoyun birillik, öküz iki yaşdan yuxarı, dəvə beş yaşında olmalıdır.
Qurban əti üç hissəyə bölünməlidir: bir hissə heyvan sahibinə qalır, ikinci hissə kasıblara paylanılır, üçüncü hissə qohumlar arasında bölünür.
Heyvanları kəsərkən baytarlıq və sanitar normalara əməl etmək tövsiyə olunur. Heyvanları uşaqların gözləri önündə kəsmək tövsiyə olunmur. Lakin son tövsiyələr geniş şəkildə nəzərə alınmır.
-
- Foto sessiyalar
- 11 Sentyabr 2016 21:35
-
- Siyasət
- 12 Sentyabr 2016 12:07
Cəmiyyət
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
-
Rusiya Azərbaycanda yeni nümayəndəlik açmaqda israrlı görünür. Bugünlərdə Rusiya Xarici İşlər Nazirliyinin (XİN) konsulluq departamentinin rəhbəri Aleksey Klimov TASS-a müsahibəsində deyib ki, hazırda Azərbaycan ərazisində, o cümlədən Qarabağda ölkəsinin yeni xarici nümayəndəliklərinin açılması məsələsi siyasi səviyyədə işlənilir. "Azərbaycan tərəfi ilə müvafiq razılaşmalar formalaşdırıldıqca konsulluq departamenti onlarla bağlı praktiki addımların həyata keçirilməsinə qoşulacaq", - o qeyd edib.
-
Oktyabrın 4-də paytaxtda hava şəraitinin dəyişkən buludlu olacağı gözlənilir. Səhər və axşam bəzi yerlərdə yağış yağacağı, şimşək çaxacağı gözlənilir. Mülayim şimal-qərb küləyi əsəcək.
Rəy yaz