Azərbaycanlı mühacirlər Avropada birləşir
Bazar günü Strasburqda azərbaycanlı siyasi mühacirlərin yeni təşkilatının - AND (Azərbaycan naminə demokratiya - Azerbaijan needs democracy) təsis iclası keçirilib.
İclasda hakimiyyətin təqibləri səbəbindən müxtəlif vaxtlarda Azərbaycanı tərk etmiş siyasi fəallar, jurnalistlər, keçmiş dövlət məmurları və hüquq müdafiəçiləri iştirak ediblər.
İclasda Demokratik Qüvvələrin Milli Şurasının rəhbəri Cəmil Həsənli də iştirak edib.
AND təsisçiləri hələlik qurum və onun tərkibi, təşkilatın proqram və vəzifələri barədə məlumat yaymayıblar. Lakin artıq indidən demək olar ki, bu, ölkənin hüdudlarından kənarda siyasi müxalifətin formalaşması üzrə ən mühüm addımdir.
Azərbaycan mühacirlərinin hərəkətlərinin koordinasiyası BMT, ATƏT, Avropa Şurası, Avropa parlamenti kimi beynəlxalq qurumlarda Azərbaycandakı vəziyyət barədə rəyin formalaşmasına mühüm təsir göstərəcək.
AND fəaliyyətini uğurlu qurarsa bu, Bakıda hakimiyyət üçün ciddi başağrısı olacaq.
Güman etmək olar ki mühacir təşkilatlarının sirası genişlənəcək və ABŞ-da da AND-ın bölməsi yaranacaq.
Bu cür mühacir təşkilatlarının yaranma tarixi və mövcudluq təcrübəsi göstərir ki, mühüm məsələlərdən biri təhlükəsizlikdir. Çünki hakimiyyət təhlükəsizlik xidməti vasitəsilə belə qurumlara öz agentlərini göndərməyə çalışır. Çox güman ki, indi də belə olacaq.-02В-
Siyasət
-
Gürcüstanda istintaq təcridxanasında aclıq aksiyası keçirən Azərbaycanın Azel.Tv saytının rəhbəri Əfqan Sadıqovun səhhətinin vəziyyəti gündən günə pisləşir. İki həftəlik aclıq aksiyası ərzində onun çəkisi 91 kq-dan 76 kq-dək azalıb. Bu barədə Turana onun həyat yoldaşı Sevinc Sadıqova jurnalistlə oktyabrın 4-də istintaq təcridxanasında görüşdükdən sonra bildirib Turan-a bildirib.
-
Oktyabrın 3-də Parisdə Fransa prezidenti Emmanuel Makron ilə Ermənistanın baş naziri Nikol Paşinyanın görüşü olub. Fransa prezidentinin mətbuat xidmətinin məlumatında deyilir ki, Makron Ermənistanın suverenliyinin və ərazi bütövlüyünün, həmçinin erməni xalqının sülh və demokratiya səylərinin dəstəklənməsində Fransanın əzmli olduğunu təsdiqləyib.
-
Avropa İttifaqının Ermənistandakı monitorinq missiyasının Rusiya və İrana qarşı kəşfiyyatla məşğul olması ilə bağlı Rusiya Federal Təhlükəsizlik Xidmətinin direktoru Bortnikovun şərhləri "Ermənistan qarşısındakı öhdəliklərin və verilən vədlərin dəfələrlə yerinə yetirilməməsini ört-basdır etməyə çalışan Rusiya rejiminə xas olan tamamilə cəfəngiyyat, yalan və manipulyasiyadır". Bu barədə Avropa İttifaqı Xarici Siyasət Xidmətinin nümayəndəsi Piter Stano Astanada MDB ölkələri təhlükəsizlik orqanları rəhbərlərinin toplantısında Bortnikovun bugünkü çıxışını şərh edərkən bildirib.
-
113 gündür həbsdə aclıq edən iqtisadçı Fazil Qasımovun hərarəti dünəndən 39 dərəcə olaraq qalır. Bu barədə cümə günü yaxınları Penitensiar Xidmətin müalicə müəssisəsində ona baş çəkdikdən sonra Turan-a bildiriblər.
Rəy yaz