Müstəqil jurnalistlər Media haqqında qanuna yenidən baxılmalı olduğu qənaətindədirlər
Bakı/03.03.23/Turan: Azərbaycanda söz azadlığının müdafiəçiləri cümə günü media reyestrinin tətbiqi və media haqqında qanunla bağlı zum-konfrans keçiriblər.
20-dən çox vətəndaş cəmiyyəti və KİV nümayəndəsinin iştirak etdiyi konfrans iştirakçıları hesab edirlər ki, reyestrdə qeydiyyat şərtləri və sonradan Medianın İnkişafı Agentliyinin KİV-in və jurnalistlərin fəaliyyətinə nəzarəti faktiki olaraq senzura xarakteri daşıyır və Azərbaycanda azad səslərin boğulmasına yönəlib.
Konfransda belə bir fikir səslənib ki, Avropa Şurasının üzvləri və Aİ institutları öz öhdəliklərinə və prinsiplərinə hörmətlə yanaşmalıdır.
Turan İnformasiya Agentliyinin direktoru Mehman Əliyev xatırladıb ki, azərbaycanlı ekspertlər qanunun qəbulu ərəfəsində ölkədə söz azadlığını məhdudlaşdıran bu qanunun qəbuluna etiraz ediblər. Parlamentdə məsləhətləşmələr aparılıb və 40-dan çox təklif və düzəliş təqdim edilib. Daha sonra Venesiya Komissiyası Media haqqında qanunla bağlı ekspertiza rəyini göndərib və ona yenidən baxmağa çağırıb. Aİ Nazirlər Komitəsi də belə bir qərar qəbul edib.
Qeyd edilib ki, jurnalist ictimaiyyəti AŞ-ı öz qərarlarını və tövsiyələrini yerinə yetirməyə çağırmalıdır.
Strasburqda aksiyaların keçirilməsi və Azərbaycanda media haqqında qanunun fəlsəfəsinə və KİV-in vəziyyətinə aydınlıq gətirmək məqsədilə AŞ deputatları və məmurları ilə görüşlərin təşkili haqqında təkliflər səslənib.--0--
Cəmiyyət
-
Azərbaycan Minatəmizləmə Agentliyinin əməkdaşı xidməti vəzifəsini yerinə yetirərkən xəsarət alıb. Hadisə aprelin 27-də Şuşa rayonunun Qeybalı kəndi ərazisində baş verib.
-
Aprelin 28-də Bakıda və Abşeron yarımadasında havanın yağıntısız olacağı gözlənilir. Mülayim cənub küləyi əsəcək. Havanın temperaturu gecə müsbət 14+18, gündüz müsbət 26+31 dərəcə olacaq, Azərbaycan Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Aprelin 27-də Bakıda və Abşeron yarımadasında hava şəraiti yağmursuz keçəcək. Səhər və axşam bəzi yerlərdə duman olacaq. Cənub-şərq küləyi əsəcək.
-
Azercell-in BİQ layihəsinin Biznesin Davamlılığı testi Ələt Azad İqtisadi Zonasında həyata keçirildi Ölkənin lider mobil operatoru Azercell-in BİQ - Böhran İdarəetmə Qrupu layihəsinin Ələt Azad İqtisadi Zonasında real vaxt rejimdə Biznesin Davamlılığı testi həyata keçirildi. İlk dəfə baş tutan testdə Azercell ilə yanaşı layihənin digər tərəfdaşları – Azərkosmos, Aztelekom və Baktelekom şirkətlərinin əməkdaşları da iştirak etdilər. Sözügedən ərazidə rabitənin tamamilə kəsilməsi simulyasiya edilərək böhran vəziyyəti yaradıldı. Böhran təlimi zamanı regionlardan olan texniki qrupların hadisə yerinə çatması və rabitənin bərpa edilməsi istiqamətində işlərə başlanıldı. İlk olaraq qruplar ərazidə 2 mobil Baza Stansiyası quraşdıraraq məhdud sayda abunəçiyə milli peykin imkanlarından istifadə edərək 2G xidməti təqdim etdilər. Növbəti mərhələdə yüksək sürətli internet, 3G və 4G şəbəkəsi bərpa edildi və ərazi 100 meqabit Wi-Fi xidməti ilə təmin olundu. Qeyd edək ki, öncəki testlərlə müqayisədə bu simulyasiya testində bərpa vaxtı 2 qat azaldıldı. Bütün bərpa işləri isə regionlardan olan və Azercell tərəfindən xüsusi texniki təlimlər görmüş qruplar tərəfindən icra olundu.
Rəy yaz