Vətəndaş Cəmiyyətini Müdafiə Komitəsi cümə axşamı iclasında vətəndaş forumunun keçirilməsi barədə qərar qəbul edib.
Aprelin ortalarında keçiriləcək forumda vətəndaş cəmiyyətinin problemləri, o cümlədən QHT-lərin qeydiyyatı, qrantlar, QHT hesablarına həbslərin qoyulması, vətəndaş fəallarının ölkədən çıxışına məhdudiyyətlərin olması, söz azadlığı, siyasi məhbuslar problemləri və digər məsələlər müzakirə olunacaq.
Azərbaycan Demokratiya və Rifah Hərəkatının rəhbəri Qubad İbadoğlu Avropa İttifaqı «Şərq tərəfdaşlığı» proqramının vətəndaş cəmiyyəti forumunun milli platformasının toplantısında guya QHT probleminin olmaması — hesablardan həbslərin götürülməsi, cinayətərə xitam verilməsi, xarici gedişə məhdudiyyətlərin aradan qaldırılması- səslənən fikirləri təkzib edib.
Sözügedən problemlər qalır və QHT problemləri sırasında heç bir məsələ öz həllini tapmayıb», - o qeyd edib.
«Siyasi Məhbuslarsız Azərbaycan» İctimai Alyansının koordinatoru Oqtay Gülalıyev də bunu təsdiqləyib.
2012-ci ildə O.Gülalıyevə qarşı qaldırılmılş cinayət işi dayandırılmayıb.
«Həmçinin 2013-cü ildə mənim oğluma qarşı qaldırılan uydurma cinayət işi dayandırılmayıb. O , fiziki zorakılığın qurbanı olub», - O. Gülalıyev vurğulayıb.
Bəzi şəxslərin, o cümlədən araşırmaçı jurnalist Aynur İmranovanın barəsində qanunusz məhdudiyyət hələ də qalır. O, müalicə almaq üçün xaricə gedə bilmir.
«Hərəkətlə bağlı qanunsuz məhdudiyyətlərə dair məhkəmə çəkişməsi hakimiyyət tərəfindən süni şəkildə yubadılır və heç bir müsbət qərar yoxdur», -A.İmranova iclas zamanı bildirib.
Qarşıdakı forumda bu məsələlərin müzakirəsi gözlənilir.
Forumda müstəqil QHT və KİV nümayəndələrinin geniş iştirakı planlaşdırılır.-0—
Cəmiyyət
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
-
Azərbaycan 2025-ci ili qədim ənənələrin və müasir bayramların rəngarəng qarışığı ilə qarşıladı. Bu tədbirlər xalqın zəngin mədəni irsini və gələcəyə yönəlmiş arzularını əks etdirdi. Geniş ailə süfrələrindən parlaq ictimai tədbirlərə qədər qeyd etmələr keçmişlə indinin unikal sintezini nümayiş etdirdi.
-
2025-ci ilə qədəm qoyduqca, dünya müxtəlif sahələrdə əhəmiyyətli inkişaflarla qlobal mənzərəmizi yenidən formalaşdırmağa hazır olan həlledici bir mərhələdə dayanır.
-
Avstraliyalı demoqraf və sosioloq Mark Makkrindl “Beta Nəsli”nin yaranmasını təsvir edib — o, bu demoqrafik qrupu 2025-2039-cu illər arasında doğulan insanlar kimi müəyyənləşdirərək, qlobal nəsil kimliyində yeni bir fəsil açıldığını vurğulayıb.
Rəy yaz