Bu gün Yasamal Rayon Məhkəməsində Azər Tağıyevin sədrliyilə AzTV dövlət telekanalının rəhbəri Arif Alışanovun professor, telejurnalist Qulu Məhərrəmliyə qarşı iddiası üzrə hazırlıq iclası başlayıb.
A.Alışanov şəxsi cinayət ittihamı qaydasında iddia qaldırıb və Q.Məhərrəmlinin müsahibəsində onun ünvanına söylədiyi fikirlərinə görə CM-in 147 (böhtan) və 148 (təhqir) maddələrilə cəzalandırılmasını istəyir. Bu maddələr üzrə Q.Məhərrəmlini 2 ilədək azadlıqdan məhrumetmə cəzası gözləyir.
Bugünkü iclasda Q.Məhərrəmli prosesdə A.Alışanovun şəxsən iştirakını tələb edib. Jurnalistin vəkili Cavid Rzazadə bildirib ki, şərəf və ləyaqətlə bağlı işlərdə iddiaçının şəxsən iştirakı lazımdır.
Öz növbəsində A.Alışanovun vəkili Zaur Abbasov qeyd edib ki, hələlik hazırlıq iclasıdır və iddiaçı növbəti mərhələlərdə dinləmələrə qatıla bilər.
Hakim A.Tağıyev hazırlıq iclasının təxirə salınması barədə qərar qəbul edib. Həftə ərzində növbəti iclasın vaxtı barədə tərəflərə məlumat veriləcək.
Müdafiə tərəfi hesab edir ki, iddianın icraata götürülməsinə əsas yoxdur. Vəkil Rzazadə ifadə azadlığı çərçivəsində öz fikirlərini söylədiyinə görə Q.Məhərrəmliyə qarşı cinayət təqibini absurd hesab edir.
Bununla belə, A.Alışanov Nəsimi Rayon Məhkəməsində Q.Məhərrəmliyə qarşı mülki iddia da qaldırıb. O, Q.Məhərrəmlinin 100 min manat (65 min dollar) ödəməsini tələb edir. Bu iş üzrə proses aprelin 7-də saat 16:30-da Nəsimi Rayon Məhkəməsində olacaq.03В--
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz