Bakı/17.11.17/Turan: Emin Şagiyev qanunsuz narkotik ticarəti ittihamı ilə həbs edilib.
O, Avropadan yayımlanan mühacirlərin Turan TV peyk telekanalının aparıcısı Türkel Azərtürkün bacanağıdır.
Azərtürk özü bildirib ki, Şagiyevin evinə DİN-in Mütəşəkkil Cinayətkarlığa qarşı Mübarizə Baş İdarəsinin əməkdaşları gəlib. Ona "buradan xaricdəki qohumlarına məlumat ötürdüyünü" deyiblər və aparıblar. Şagiyevə qarşı CM-in 5 ildən 12 ilədək azadlıqdan məhrumetmə cəzası nəzərdə tutan 234.4.3-cü (böyük ölçüdə narkotik vasitələrin qanunsuz dövriyyəsi) maddəsi ilə ittiham irəli sürülüb.
Nərimanov rayon məhkəməsinin qərarı ilə onun barəsində 4 aylıq həbs qətimkan tədbiri seçilib. Azərtürk bacanağının həbsini özünün müxalif siyasi baxışları və jurnalist fəaliyyəti ilə əlaqələndirib.
Nərimanov rayon məhkəməsində Şagiyevin həbsini təsdiq ediblər.
Azərtürk hazırda Niderlandda mühacirətdədir. Son vaxtlar o, Avropadan yayımlanan Turan TV peyk telekanalında xəbərlər verilişinin aprıcısıdır. Bu ilin yazında Turan TV saytı Azərbaycan ərazisində bloklanıb.
-06D-
Cəmiyyət
-
Gürcüstan hüquq-mühafizə orqanları Marneulidə etnik azərbaycanlını həbs edib. Bu şəxs, səslərin bir dəstəsini seçki qutusuna atdığı anı əks etdirən və geniş beynəlxalq diqqət qazanan videoyla tanınıb, - deyə "Gürcü Arzusu" partiyasının siyasi şurasının üzvü və parlamentin sədri Şalva Papuvaşvili məlumat verib.
-
Oktyabrın 28-də Bakıda yenidən yağış yağdı. Beş gün əvvəl olduğu kimi, bu dəfə də paytaxtın küçələri və evləri su altında qaldı. Xoşbəxtlikdən, əvvəlkindən fərqli olaraq, su basan tunellərdə ölüm hadisəsi yaşanmadı. (Oktyabrın 22-də Sabunçu rayonundakı tuneli basan suda iki nəfər boğulmuşdu.)
-
Xaçmaz rayonunda göbələkdən zəhərlənənən iki qadın vəfat edib. Kliniki Tibbi Mərkəzin (KTM) Toksikologiya şöbəsinin müdiri Azər Maqsudov bildirib ki, dünyasını dəyişənlər 46 və 41 yaşında olub.
-
Oktyabrın 30-da Bakıda və Abşeron yarımadasında hava şəraiti dəyişkən buludlu olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Şimal-qərb küləyi cənub-şərq küləyi ilə əvəz olunacaq.
Rəy yaz