Açiq mənbələrdən foto.
Bakı/24.07.20/Turan: Xalq Cəbhəsi Partiyasının üzvü Məmməd İbrahimin oğlu Mehdi İbrahimov Penitensiar Xidmətin vərəm xəstələri üçün ixtisaslaşdırılmış 3 saylı müəssisəsinə (“Tubzon” kimi tanınır) köçürülüb.
O, CM-in 139-1.1-ci (antiepidemiya, sanitariya-gigiyena və karantin rejiminin pozulması, xəstəliyin yayılmasına səbəb olduqda və ya buna təhlükə yaratdıqda) maddəsi ilə ittiham olunur. Onun barəsində həbs qətimkan tədbiri seçilib.
İstintaqın bildirdiyinə görə, M.İbrahimov karantini pozmaqda ittiham olunur. Koronavirus ilə əlaqədar olaraq təcrid olunsa da, evdən çıxıb.
Lakin həbs edilən şəxsin atası oğlunun iyulun 15-də orduya dəstək aksiyası ilə əlaqədar saxlanıldığını bildirib. Onun sözlərinə görə, əgər oğlu koronavirus xəstəsi olsaydı, digər məhbuslarla birlikdə bir həftə polisdə saxlanmazdılar.
Bundan əlavə, onu məhkəməyə adi polis maşınında gətiriblər və aparıblar, onu müşayiət edən əməkdaşlar isə qoruyucu kostyumda yox, adi formada olublar.
Məmməd İbrahim həmçinin qeyd edib ki, oğlunu iyulun 15-də saxlayıblar, lakin məhkəmə həbs müddətini iyulun 20-dən hesablamağa qərar verib ki, bu da kobud pozuntudur.
Qeyd edək ki, Mehdi İbrahimov hakim Yeni Azərbaycan Partiyasının üzvüdür. Yeni Azərbaycan Partiyasının mətbuat xidmətinin rəhbəri Hüseyn Paşayev Mehdi İbrahimovun bu partiyanın üzvü olduğunu Turan-a təsdiqləyib.
“İttiham maddəsindən görünür ki, Mehdi İbrahimov hüquqazidd hərəkətlərdə iştirak etməyib və Yeni Azərbaycan Partiyasının üzvü kimi orduya dəstək aksiyasında olub. Onu aksiyada iştirakına görə yox, yoluxmuş vəziyyətdə evdən çıxdığına görə saxlayblar”, - H. Paşayev qeyd edib.
Hüquq müdafiəçilərinin məlumatına görə, 15 iyul aksiyası ilə əlaqədar artıq 40 nəfər həbs edilib və onların əksəriyyəti Xalq Cəbhəsi Partiyasının fəalıdır.
Lakin onların mütləq əksəriyyəti nümayişdə iştirak etməyib, iştirak edənlər isə hüquqazidd hərəkətlərə yol verməyiblər. 06В-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz