Cümə günü “Müsəlman Birliyi” Hərəkatının sədr müavini Elçin Qasımovun və digər 11 dindarın işi üzrə məhkəmə prosesi davam edib.
Martın 3-də Bakı Ağır Cinayətlər Məhkəməsində keçirilən iclasda müttəhim Vüsal Alış ifadə verib. O bildirib ki, 2015-ci il noyabrın 30-da saxlanılıb. Polis onun evində axtarış apararaq qumbara və dini ədəbiyyat “tapıb”. Halbuki, bunları özləri qoyublar.
DİN Baş Mütəşəkkil Cinayətkarlıqla Mübarizə İdarəsində ona deyiblər ki, əgər ondan silah götürülməsi barədə protokolu imzalamasa, pis olacaq.
Onu ailə üzvlərinin həbs ediləcəyi ilə hədələyərək məcbur ediblər ki, silahı “Müsəlman Birliyi” Hərəkatının liderinin köməkçisi Abbas Hüseynovdan alması və bu təşkilatın Milli Şuranın sədri Cəmil Həsənli və AXCP lideri Əli Kərimli ilə əməkdaşlıq etməsi barədə ifadə versin.
Müttəhim Seymur Aslanov bildirib ki, onun həyətində də silah “tapıblar”. DİN Baş Mütəşəkkil Cinayətkarlıqla Mübarizə İdarəsində ondan ifadə almaq üçün işgəncə veriblər.
İş üzrə növbəti iclas martın 10-da olacaq.—36C--
Cəmiyyət
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
Rəy yaz