Aprelin 6-da Bakı Ağır Cinayətlər Məhkəməsində Nardaran ağsaqqalı Natiq Kərimovun və Azərbaycan İslam Partiyasının keçmiş sədr müavini İnqilab Əhədovun işi üzrə məhkəmə istintaqı başa çatıb.
Prokuror yekun çıxışa hazırlaşmaq üçün vaxt verilməsini istəyib.
Dinləmələr təxirə salınıb və tərəflər növbəti iclasın vaxtı barədə əlavə məlumat verəcəklər.
N.Kərimov və İ.Əhədovun konkret nədə ittiham olunduğu məlum deyil. Lakin bundan öncə Nardaran sakinləri arasında İranın xeyrinə casusluq ittihamı ilə həbslər olub.
N.Kərimov 1980-cı illərin sonu-1990-cı illərin əvvəli Azərbaycan milli-demokratik hərəkatının iştirakçısı olub. Sonralar İslam Partiyasının fəalı olub.
N.Kərimov ötən il yanvarın əvvəlində həbs edilib. Yanvarın 19-da ev həbsinə buraxılıb. Həbsdən öncə isə 2015-ci ilin noyabrında Nardaran hadisələri baş verib. Nəticədə 6 nəfər, o cümlədən 2 polis əməkdaşı öldürülüb.
Hadisələrlə əlaqədar 90-a yaxın adam həbs edilib. Onların bir hissəsi qanunsuz silah saxlamaq ittihamı ilə müxtəlif müddətə mühakimə olunub.
“Müsəlman Birliyi” Hərəkatının lideri Taleh Bağırzadə də daxil olmaqla, bir qrup müttəhim hakimiyyətin zorla ələ keçirilməsinə və dövlət quruluşunun dəyişdirilməsinə cəhd ittihamı ilə uzun müddətə həbs olunub. Həbs edilən digər şəxslərin məhkəməsi davam edir.–06D--
Cəmiyyət
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
Rəy yaz