![«Nardaran işi» üzrə müttəhimlər aclığa başlayıblar](https://turan.az/resized/750/500/resize/media/2016/main/121900178327.jpg)
«Nardaran işi» üzrə müttəhimlər aclığa başlayıblar
“Nardaran işi” üzrə təqsirləndirilən 18 nəfər bazar ertəsi iclas zalına buraxılmamağa etiraz olaraq aclıq aksiyasına başlayıb. Bu barədə Turan-a vəkil Yalçın İmanov bildirib.
Onun sözlərinə görə, həmçinin müttəhimlər onların vəkillərinin prosesdə məcburi iştirakına etiraz edirlər, çünki onlar vəkillərdən imtina ediblər.
Müttəhimlər son iclas zamanı Bakı Ağır Cinayətlər Məhkəməsinin soyuq zirzəmisində saxlanmalarına etiraz edirlər. Zirzəmi soyuq və rütubətli olduğundan müttəhimlərin bəzisi xəstələnib.
Bu gün iclas müttəhimlərin iştirakı olmadan keçirilib. Vəkil Y.İmanov müttəhimlərin zala qaytarılması barədə vəsatət qaldırıb. Lakin hakim vəsatəti təmin etməyib.
Y.İmanovun sözlərinə görə, ümumilikdə məhkəmə vəkillərin 50-dən çox vəsatətini təmin etməyib. Bu vəsatətlər əlavə şahidlərin çağırılması, yolverilməz sübutların çıxarılması və s. ilə bağlıdır.
Müttəhimlərdən birinin vəkili Zibeydə Sadıqova məhkəmədən xahiş edib ki, müttəhimə anasının dəfn mərasimində iştirakı üçün icazə verilsin. Ancaq məhkəmə vəsatəti təmin etməyib və müttəhimin qardaşının onunla zirzəmidə görüşünə icazə verməyib.
Qeyd edək ki, bugünkü prosesə müttəhimlərin qohumları da buraxılmayıb.
Xatırladaq ki, “Nardaran işi” üzrə “Müsəlman Birliyi” Hərəkatının lideri Taleh Bağırzadə, onun müavini Abbas Hüseynov və digər dindarlar, həmçinin AXCP sədrinin müavini Fuad Qəhrəmanlı keçir.
Onlar 2015-ci il noyabrın 26-da Nardaranda keçirilən xüsusi əməliyyat ilə əlaqədar həbs olunublar.
Dindarlar bir sıra ağır cinayətlərdə, o cümlədən terrorizm, konstitusiya quruluşunun dəyişdirilməsinə cəhddə ittiham olunurlar. –36С—
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz