Bakı/23.05.17/Turan: Çərşənbə axşamı Sabunçu Rayon Məhkəməsində Nardaran sakini Fail Şahbazovun barəsində hökm oxunub. Məhkəmə onu qanunsuz silah saxlamaqda (CM-in 228.1 maddəsi) təqsirli bilərək 1 il 9 ay azadlıqdan məhrum edib.
Müttəhimin vəkili Fariz Namazlı bildirib ki, F.Şahbazov həbs olunduğu vaxt təzyiq və işgəncəyə məruz qalıb. Bundan sonra etirafedici ifadə verib.
"Əslində Fail Şahbazov "Müsəlman Birliyi" Hərəkatının 17 üzvünün məhkəməsində fəal iştirak etdiyinə görə həbs olunub", - vəkil qeyd edib. O deyib ki Failin atası və iki qardaşı "Nardaran-1" məhkəmə prosesi çərçivəsində qanunsuz silah saxlamaq ittihamı ilə iki il yarım müddətə mühakimə olunublar.
Fail isə qundağı kəsilmiş ov tüfəngi və 1 ədəd "F-1" qumbarası saxlaamqda itiham olunub -0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz