Noyabrın 26-dan Nardaranda keçirilən xüsusi əməliyyat zamanı beş nəfər həlak olub, 32 nəfərin barəsində həbs qətimkan tədbiri seçilib. Bu barədə çərşənbə günü DİN rəhbəri Ramil Usubov AzTV-yə müsahibəsində bildirib.
Onun sözlərinə görə, xüsusi əməliyyat zamanı altı avtomat, tapança və digər hərbi sursatlar götürülüb.
Nazir Nardaran sakinlərindən kimdə silah varsa könüllü olaraq təhvil verməyə çağırıb.
R.Usubov şikayətlənib ki, əməliyyat başlayandan heç kim könüllü olaraq silahları verməyib. O vəd edib ki, silahı könüllü təhvil verənlər cinayət məsuliyyətindən azad ediləcək.
Eyni zamanda o, Nardaranda xüsusi əməliyyatın davam etdiyini bildirib.
Nazir deyib ki, əvvəllər də qəsəbədə polislə qarşıdurma faktları qeydə alınıb. Belə ki, 2005-ci ildə iki nəfər polis əməkdaşı öldürülüb. Nazir nardaranlıların polislə toqquşmasına dair 23 hadisə sadalayıb.
O qeyd edib ki, “Müsəlman Birliyi” Hərəkatı “qeyri-konstitusion yolla hakimiyyətə gəlməyi və ölkəni şəriət qanunları ilə idarə etməyi” qarşısına məqsəd qoymuşdu. Noyabrın 26-da Hərəkatın lideri Taleh Bağırzadə öz tərəfdarları ilə birlikdə həbs olunub.
R.Usubov deyib ki, Nardaran istisna olmaqla, Azərbaycanın digər ərazilərində vəziyyət sabitdir. —06D--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz