Bakı/17.04.17/Turan: Ötən həftənin sonlarında Sabunçu rayonunun 14-cü Polis İdarəsinin əməkdaşları Nardaran sakini Əliəsgər Cabbarovu saxlayıblar. Yaxınlarının verdiyi məlumata görə, ona qarşı CM-in 228.1 və 228.4-cü (qanunsuz silah saxlama, ağırlaşdırıcı hallar olduqda) maddələri ilə cinayət işi açılıb.
Ə.Cabbarovun həbsindən sonra birdən-birə hökumətyönlü KİV-lərdə onun Nardaran zibilliyindən salafana bükülü 1ədəd lüləsi kəsilmiş tüfəng, 1ədəd bıçaq və 1 ədəd qumbara tapdığını, evə gətirdiyini, daha sonra isə onları mağazasında gizlətdiyini etiraf etdiyi videogörüntülər yayılıb.
Lakin Ə.Cabbarovun yaxınları onun günahsız olduğunu deyirlər. Onların sözlərinə görə, Əliəsgər “Müsəlman Birliyi” hərəkatının sədr müavini olan qardaşı Cabbar Cabbarovun 19 il müddətinə azadlıqdan məhrum edilməsindən sonra polis tərəfindən izlənilirdi.
Vəkil Fariz Namazlı Turan-a bildirib ki, onun Kürdəxanı istintaq təcridxanasında saxlanılan müvəkkili ilə görüşünə icazə verməyiblər. Vəkil orderini Sabunçu rayon polisinə təqdim etsə də, ondan ordeni poçtla göndərməyi tələb ediblər.
Vəkil ehtimal edir ki, polis qəsdən vəkilin müvəkkili ilə görüşünü uzadır ki, Cabbarovdan vəkilsiz ifadə almaq üçün maksimum vaxt qazansın. -25B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz