Bu gün Nardaran ağsaqqalları hüquq-mühafizə orqanları rəhbərliyi ilə görüşüb saxlanılanlar, yaralılar və həlak olanların cəsədlərinin verilməsi ilə bağlı danışıqlar aparmaq niyyətindədir. Bu barədə Turan-a Nardaran ağsaqqalı Natiq Kərimov bildirib.
Onun sözlərinə görə, indiyədək yaralılar və saxlanılanlar barədə dəqiq məlumat yoxdur.
“Doğmalarının sözlərinə görə, 18-20 nəfər saxlanılıb. Yaralılar və onların vəziyyəti barədə məlumat yoxdur”, - N.Kərimov qeyd edib.
O həmçinin deyib ki, sakinlər Nardaranda dövlət çevrilişinin hazırlanması barədə hakimiyyətin bəyanatından, həbs edilən gənclərin ekstremist adlandırılmasından hiddətləniblər.
“Biz bu fikirləri qəti şəkildə rədd edirik. Biz obyektiv araşdırma tələb edirik. Şahidlər bildirirlər ki, yerli sakinlər polisə atəş açmayıblar. Hüquq-mühafizə orqanları kimin atəş açdığını araşdırmalıdır. Ayırd etmədən hamının kütləvi həbsi yolverilməzdir”, - N.Kərimov vurğulayıb.—06D--
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz