![Minskdə Belarus-Azərbaycan biznes forumu keçirilir](https://turan.az/resized/./turan-750-500-resize.webp)
Minskdə Belarus-Azərbaycan biznes forumu keçirilir
Noyabrın 26-da Minskdə Belarus-Azərbaycan biznes forumu açılıb.
İqtisadiyyat və Sənaye Nazirliyinin mətbuat xidmətinin məlumatına görə, forumda Azərbaycan nümayəndə heyətinə nazir Şahin Mustafayev rəhbərlik edir.
Tədbirdə kənd təsərrüfatı, sənaye, İKT, tikinti, turizm, maliyyə və s. sahələrdə fəaliyyət göstərən iş adamları iştirak edirlər.
Forumda çıxış edən Ş.Mustafayev Azərbaycan və Belarus arasında əməkdaşlığın uğurla inkişaf etdiyini vurğulayıb, ölkələrimiz arasında əlaqələrin qarşılıqlı dostluq və tərəfdaşlıq prinsipləri üzərində qurulduğunu, siyasi-iqtisadi əməkdaşlığın genişləndirilməsində qarşılıqlı rəsmi səfərlərin, keçirilən yüksək səviyyəli görüşlərin əhəmiyyətini qeyd edib.
Gəncə avtomobil zavodu və Minsk traktor və avtomobil zavodu arasında səmərəli əməkdaşlığın olduğu bildiirlib. Azərbaycanda Belarus texnologiyaları əsasında traktor, yük avtomobili, qoşqu və digər avadanlıqlar yığılır.
Qeyd olunub ki, Azərbaycanda Belarus kapitallı 30-a yaxın şirkət, Belarusda isə 60 Azərbaycan şirkəti fəaliyyət göstərir.
Azərbaycanlı biznesmenlər Minskin bəzi müəssisələrinin fəaliyyətilə tanış olublar.
Forum noyabrın 27-də davam edəcək.
Azərbaycan Dövlət Gömrük Komitəsinin məlumatına görə, bu ilin 9 ayında Azərbaycanla Belarus arasında əmtəə dövriyyəsi $63,9 mln. təşkil edib ki, bu da 2014-cü ilin müvafiq dövründən $9 mln. azdır.
Belarus rəsmi statistikası bu dövrdə iki ölkə arasında $251,1 mln. həcmində əmtəə dövriyyəsini qeydə alıb. Azərbaycana mal ixracı $247,8 mln. təşkil edib. Azərbaycan gömrüyündən isə rəsmi olaraq $58 mln. həcmində Belarus malı keçib.08В
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz