AŞPA-nın Sosial məsələlər, səhiyyə və davamlı inkişaf komitəsi noyabrın 26-da qəbul etdiyi qətnamədə Ermənistan hakimiyyətini su resurslarından “siyasi təzyiq vasitəsi” kimi istifadəyə son qoyulmasına çağırıb.
Qətnamə “Azərbaycanın cəbhəyanı rayonlarının sakinlərinin qəsdən sudan məhrum edilməsi” adlanır. Sənəd Bosniya və Herseqovinadan olan deputat Militsa Markoviçun məruzəsi əsasında hazırlanıb.
Məruzədə deyilir: “Ermənistanın işğal etdiyi Azərbaycanın rayonlarının birində yerləşən su anbarına 20 il ərzində müntəzəm texniki xidmət göstərilməməsinə görə bütün sərhədyanı region üçün təhlükə törədir. Sərsəng bəndinin lazımı vəziyyətdə olmaması xeyli sayda insan ölümü ilə böyük fəlakətə və yeni humanitar böhrana gətirib çıxara bilər”.
AŞPA komitəsi bu, təxirəsalınmaz humanitar problemlə əlaqədar Ermənistan Silahlı Qüvvələrinin qeyd edilən regiondan dərhal çıxarılmasına çağırıb. Bu, müstəqil mühəndislərin və hidroloqların su anbarına girişinin təmin edilməsinə şərait yaradar.
Sənəddə Ermənistan hakimiyyəti su resurslarının “siyasi təzyiq vasitəsi” kimi istifadəsinə son qoyulmasına çağırılır.
Qətnamə layihəsi 2016-cı il yanvarın 26-da AŞPA-nın plenar iclasına təqdim ediləcək. —06D—
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz