Açiq mənbələrdən foto.
Bakı/09.09.21/Turan: DİN-in Narkotiklərə qarşı Mübarizə Baş İdarəsinin həyata keçirdiyi son əməliyyatlar zamanı narkotik vasitələrin qanunsuz dövriyyəsi ilə məşğul olan 14 nəfər saxlanılıb.
DİN-in məlumatına görə, görülmüş tədbirlər nəticəsində 68 kiloqrama yaxın narkotik vasitə, 6600 ədəd psixotrop tərkibli həb və 119 ədəd çəkisi 510 kiloqram olan kultivasiya edilmiş çətənə kolu aşkar edilib.
Ümumilikdə bu ilin avqust ayının 1-dən 1 sentyabr tarixinə qədər 7 kq tiryək, 180 kq marixuana, 155 kq heroin, 4 ton çətənə kolu , 21 kq metamfetamin, 249 qr həşiş dövriyyədən çıxarılıb.
Müşahidəçilərin fikrincə, ölkənin demək olar ki bütün regionlarında narkotiklərin qanunsuz dövriyyəsi artıb. Avqust ayı ərzində paytaxtda və Zabrat, Bilgəh, Bakıxanov qəsəbələrində, Xaçmazda, Qazaxda, Biləsuvarda, Lənkəranda və digər bölgələrdə narkotik satıcıları tutulub.
Narkotik satışı ilə əsasən kişilər məşğul olsa da, onlar arasında qadınlar da var. Belə ki, avqust ayında 150-dən çox narkotik satan şəxs saxlanılıb, onların 10 nəfəri qadınlardır.
Narkotiklərin əksər hissəsinin Azərbaycana İran vasitəsilə gətirildiyi hesab olunur. Rəsmi məlumata görə, Azərbaycan hüquq-mühafizə, gömrük və sərhəd xidmətlərinin müsadirə etdiyi böyük narkotik partiyaları Avropa ölkələrinə tranzit üçün nəzərdə tutulub.
Bu zaman vaxtaşırı narkotik qaçaqmalçıları və Azərbaycan sərhədçiləri arasında silahlı insidentlər haqqında məlumatlar daxil olur. Atışmalar nəticəsində bir neçə narkotik satıcısı və sərhədçi öldürülüb və ya yaralanıb.
2021-ci il martın 4-də Dövlət Gömrük Komitəsinin sədri Səfər Mehdiyev bildirib ki, son üç ildə bu idarə 4,6 tondan çox narkotik vasitə, psixotrop maddə və onların prekursorlarını dövriyyədən çıxarıb.
Narkotik Vasitələrin Qanunsuz Dövriyyəsinə qarşı Mübarizə üzrə Dövlət Komissiyasının məlumatına görə, bir neçə qanunsuz tranzit marşrutu Azərbaycandan keçir.
Bunlar- İran – Azərbaycan, İran – Azərbaycan – Rusiya – Yaponiya, İran – Azərbaycan – Gürcüstan – Avropa, İran – Azərbaycan – Rusiya – Ukrayna marşrutlarıdır. -16D-
Cəmiyyət
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
Rəy yaz