Bakı/03.11.18/Turan: Azərbaycan Xalq Cəbhəsi Partiyasının (AXCP) fəalı, həbsdə olan Murad Ədilovun saxlanıldığı 10 saylı cəzaçəkmə müəssisəsində təzyiqlə üzləşdiyi bildirilir.
M.Əbilovun qardaşı, AXCP mətbuat xidmətinin rəhbəri, xaricdən yayımlanan "Azərbaycan saatı" proqramının və Turan TV-nin aparıcısı, hazırda mühacirətdə olan Natiq Ədilov bildirib ki, M.Ədilov noyabrın 2-də evə zəng edib və müəssisədə artıq intihar həddinə çatdırıldığını bildirib.
"O deyib ki, müəssisənin Xəyal Həsənov adlı böyük nəzarətçisi onu "qaralayıb". Qısa müddətdə 3 dəfə ona töhmət verib. Faktiki onu ölüm həddinə çatdırıb. Murad qohumlarından xahiş edib ki, bu barədə məlumatı ictimailəşdirsinlər, onun adından Ədliyyə Nazirliyinə, Prezident Administrasiyasına, ombudsmana müraciət etsinlər. Murad baş verənlərlə əlaqədar artıq müəssisə rəhbərinə də xəbərdarlıq edib. Bildirib ki, nəzarətçi X.Həsənov qanunsuz hərəkətlərini və onu təngə gətirməyi dayandırmasa, özünə qəsd edəcək. Qısa və gərgin söhbətdə o da bəlli olub ki, X.Həsənov Muraddan həm də vaxtaşırı rüşvət tələb edir", - N.Ədilov Facebook səhifəsində bildirib.
M. Ədilov 2014-cü ildə narkotik maddə ittihamı ilə 6 il müddətinə həbs olunub. AXCP bildirib ki, M.Ədilovun həbsinin səbəbi qardaşı N. Ədilovun jurnalist fəaliyyətidir.
Öz növbəsində Penitensiar Xidmətin ictimaiyyətlə əlaqələr şöbəsindən bildiriblər ki, bütün nəzarətçilər qanunauyğun xidmət aparır.
"Əgər Murad Ədilov özünə qarşı hansısa qanunazidd hərəkət hiss edirsə Penitensiar Xidmətə müraciət etsin. Onun müraciəti araşdırılacaq", -ictimaiyyətlə əlaqələr şöbəsinin əməkdaşı deyib. -06D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz