Fevralın 2-də Bakı Ağır Cinayətlər Məhkəməsində Nardaran qəsəbəsinin ağsaqqalı Natiq Kərimovun və Azərbaycan İslam Partiyasının keçmiş sədr müavini İnqilab Əhədovun işi üzrə prosesdə ittiham aktı elan olunub.
İttiham aktına əsasən, Kərimov və Əhədov xarici dövlətin xüsusi xidmətləri tərəfindən əməkdaşlığa cəlb olunub və uzun müddət onlara tələb oluna məlumatları ötürüb, bu da "casusluq" kimi tövsif edilib.
Qapalı prosesdə ev dustaqlığında olan Kərimov ittiham olunduğu cinayəti törətmədiyini və təqsirsiz olduğunu deyib. Bu barədə o özü məhkəmədən sonra bildirib. Kərimov məlumat yazmamaq haqqında iltizam imzaladığına görə başqa şərhlər verməkdən imtina edib.
Əhədov martın 2-də keçiriləcək növbəti iclasda ifadə verəcək.
Xatırladaq ki, ağsaqqalların ünvanına ittihamın mahiyyəti naməlum olaraq qalır. Dövlətə xəyanətin nədən ibarət olduğunu kimin xeyrinə həyata keçirildiyini istintaq hələ də aydınlaşdırmayıb.
Amma üç Nardaran sakini İranın xeyrinə dövlətə xəyanətə görə mühakimə olunur. -06D-
Cəmiyyət
-
Gələn il dəfn üçün birdəfəlik sosial müavinətin 960 manat olması proqnozlaşdırılır. Bu, 2025-ci il üçün büdcə zərfində əksini tapıb. Lakin sözügedən müavinət hamıya şamil edilmir. Mövcud olan qaydalara görə, dəfn üçün müavinət sığortaolunan və ya əmək pensiyaçısı vəfat etdikdə məcburi dövlət sosial sığorta haqları hesabına verilir.
-
Cümə axşamı Bakıda və Abşeron yarımadasında hava şəraiti dəyişkən buludlu, əsasən yağmursuz olacaq. Axşam arabir yağış yağacağı gözlənilir. Şimal-qərb küləyi əsəcək. Havanın temperaturu gecə 5-8 dərəcə isti, gündüz 8-11 dərəcə isti olacaq. Nisbi rütubət 70-80 % olacaq.
-
Bələdiyyə seçkiləri ilə əlaqədar heç bir beynəlxalq müşahidəçi dəvət edilməyəcək. Bunu Mərkəzi Seçki Komissiyasının (MSK) dekabrın 2-də keçirilən iclasında qurumun sədri Məzahir Pənahov deyib.
-
Dekabrın 3-də Sumqayıt şəhərində 5 mərtəbəli yaşayış binasında baş verən partlayışın səbəblərini müəyyənləşdirmək məqsədilə təhqiqat aparılır, araşdırma başa çatdıqdan sonra ictimaiyyətə məlumat veriləcək.
Rəy yaz