Naxçıvan şəhərində bir qrup hərbi təqaüdçü və müharibə veteranı məcburi qaydada öz mənzillərindən çıxarılır. Veteran Abdulla Orucovun Turan-ın bölgə müxbirinə verdiyi məlumata görə, o, 1977-ci ildən 1995-ci ilə qədər hərbi xidmətdə olub. 1992-ci ildə Sədərəkdə döyüş əməliyyatları zonasında komandir olub.
“1987-ci ildə bizə order verdilər. İndi Naxçıvan şəhər İcra Hakimiyyətinin rəhbər işçiləri buraya polis gətiriblər və mənzilin ən qısa zamanda azad edilməsini tələb edirlər. Bunun qarşılığında bizə şəhərdən uzaqda boş torpaq sahəsi təklif edirlər. Mənim 60 yaşım var və ev tikmək üçün nə gücüm, nə də pulum yoxdur”, deyə Orucov Turan-ın regional müxbirinə bildirib.
Digər müharibə veteranı Əli Məmmədov bildirib ki, uzun müddət döyüş əməliyyatları zonasında xidmət edib və yaralanıb. Ona ümumiyyətlə kompensasiya təklif etmirlər.
Hərbiçilərin yaşadığı ərazi əvvəllər hərbi şəhərcik idi, amma sonradan Naxçıvan İcra Hakimiyyətinin balansına keçirilib və bir çox mənzillər özəlləşdirilib.
9 hərbiçi ailəsi Naxçıvan şəhər məhkəməsinə müraciət edib, lakin məhkəmə şəhər hakimiyyətinin lehinə qərar çıxarıb.
Veteranlar kassasiya şikayəti veriblər və işi Avropa İnsan Hüquqları Məhkəməsinə qədər aparmaq niyyətindədirlər.
Sözügedən şəxslər NMR Ali Məclisinə də şikayət veriblər.
Onları hüquq şöbəsinin müdiri Cəlil Allahverdiyev qəbul edib. O, NMR rəhbəri Vasif Talıbovun adından mənzilləri mümkün qədər tez boşaltmağı təklif edib. Hərbiçilər Talıbovun özünün yanına buraxılmayıblar.
Mayın 14-də mənzillərini tərk etməkdən imtina edən bir neçə nəfər saxlanılıb və polisə aparılıb. Yerli hüquq müdafiəçilərinin müdaxiləsindən sonra onları buraxıblar.
Buna qədərsə mənzillərdə işıq və qaz kəsilib. İnsanlara köçmək üçün 2 gün veriblər.
Rayon rəhbəri Vüqar Səfər bildirib ki, sakinlər mənzilləri könüllü şəkildə tərk etməsələr, güc tətbiq olunacaq.
9 ailə Azərbaycan prezidentinə, parlamentinə, dövlət başçısının həyat yoldaşı Mehriban Əliyevaya və beynəlxalq təşkilatlara şikayət göndərib.
Yerli hakimiyyətdən şərh almaq mümkün olmayıb. Onlar jurnalistlərin suallarını cavablandırmadan şəhərcik ərazisini tərk ediblər.
Qeyd edək ki, hərbi şəhərcik şəhərin mərkəzində yerləşir. Burada birmərtəbəli evlərdə təxminən 60 ailə yaşayırdı, onların əksəriyyəti təzyiqlərə tab gətirməyərək, mənzillərdən köçüb. -21D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz