Naxçıvanda müxalifətçi 8 il azadlıqdan məhrum edilib
Naxçıvan Muxtar Respublikasında (NMR) AXCP fəalı Zeynal Bağırzadə 8 il azadlıqdan məhrum edilib.Bu barədə Turan-a onun qardaşı, partiyanın regional şöbəsinin rəhbəri Yaşar Bağırsoy bildirib.
Y.Bağırzadə ötən il noyabrın 16-da həbs olunub. O, CM-in 315.1-ci maddəsi (zorakılıq tətbiq etməklə hakimiyyət nümayəndəsinə müqavimət göstərmək) ilə ittiham edilib. İbtidai istintaqın yekunlarına görə, ittiham 315.2-ci maddəyə (hakimiyyət nümayəndəsinə həyat üçün təhlükəli olan zorakılıq tətbiq etməklə müqavimət göstərmək) tövsif olunub.
Bu gün NMR Babək Rayon Məhkəməsi Z.Bağırzadəni 315.2-ci maddə ilə təqsirli bilərək 4 il müddətinə azadlıqdan məhrum edib. Bundan əlavə, məhkəmə 2012-ci ildə çıxarılmış hökm üzrə şərti cəza müddətini də bunun üəzrinə gəlib.
Y.Bağırsoy bildirib ki, onun qardaşı siyasi motivlərlə təqib olunur. Dövlət Sosial Müdafiə Fondunun yerli şöbəsinin əməkdaşlarının iştirakı ilə ona qarşı təxribat hazırlanıb.
Belə ki, həbsdən bir neçə gün öncə Z.Bağırzadənin evinə gələn Sosial Müdafiə Fondunun əməkdaşları fonda ödənişi tələb ediblər. Y.Bağırzadə evdə olmayıb. Faiq İsmayılov adlı məmur ev sahibinin ünvanına xoşagəlməz ifadələr işlədib. Z.Bağırzadə bununla bağlı Fonda gedərək bu adamları tapıb, hadisəyə görə etirazını bildirb. Sonra prokurorluğa şikayət ərizəsi verib. Z.Bağırzadənin ərizəsi ləğv edilib, proses tam əleyhinə yönəlib. Sonunda da 7 il yarım şərti işindən qalan cəza hissəsi indki cəza hissəsinin üstünə gəlməklə 8 il azadlıqdan məhrum edilib. -06B-
-
- Siyasət
- 3 Fevral 2016 12:10
-
- İqtisadiyyat
- 3 Fevral 2016 12:47
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz