Naxçıvanda vəkil zorla aeroportdan məhkəməyə aparılıb
Bu gün səhər saatlarında təyyarə ilə Naxçıvandan Bakıya uçmaq istəyən vəkil Xalid Bağırov naməlum mülki geyimli şəxslər tərəfindən saxlanılıb.
X.Bağırov Turan-ın müxbirinə bildirib ki, Hilal Məmmədovun məhkəməsində iştirak etmək üçün Bakıya uçmalı idi. “Naxçıvan hava limanında qeydiyyatdan keçib təyyarənin salonuna daxil olarkən üç nəfər mülki geyimli şəxs zorla məni avtomobilə oturdaraq Sədərək Rayon Məhkəməsinə aparıb. Onlar pasportumu və mobil telefonumu alıblar. Deyirlər ki, Sədərək məhkəməsində biznesmenlər Məhəmməd Qurbanov və Nadir Məmmədovun məhkəməsində iştirak etməliyəm. Onlar mənə hədə- qorxu gəldilər və hazırda Sədərək məhkəməsindəyəm”, - vəkil bildirib.
M.Qurbanovun ötən il noyabrın 8-də Türkiyədən gətirdiyi ərzaq məhsullarını Sədərək gömrükçüləri buraxmayıb. Bundan sonra iş adamı və onun kürəkəni NadirMəmmədov ilə gömrük işçiləri arasında insident yaranıb. Naxçıvan MR Prokurorluğunun yaydığı məlumatda N.Məmmədovun gömrük işçilərinə zor tətbiq etdiyi qeyd olunur.
Fakt üzrə Cinayət Məcəlləsinin 315.1-ci və 315.2-ci (hakimiyyət nümayəndəsinə qarşı müqavimət və ya zor tətbiq etmə) maddələri ilə cinayət işi başlanılıb. Bu ittihamlarla onlar 3 ildən 7 ilə qədər azadlıqdan məhrum oluna bilər. Dekabrın 12-də Sədərək Rayon Məhkəməsi hər iki şəxsin barəsində 2 aylıq həbs qərarı çıxarıb.
Hazırda məhkəmə işə baxır. -03B-
-
- İqtisadiyyat
- 13 Fevral 2013 12:29
-
- Cəmiyyət
- 13 Fevral 2013 12:49
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz