Fevralın 12-də Bakının Nizami rayonu ərazisində
metronun “Koroğlu” stansiyasının qarşısında Elçin Abbasovun idarə etdiyi “Mersedes Benz 180” markalı, 90-CV-823 dövlət qeydiyyat nişanlı avtomaşınla piyadalar - Gülxar Cavadova, onun bacısı Ramilə Cavadova və sonuncunun qızı Gülçin Məmmədova vurulub. Nəticədə G.Cavadova və G.Məmmədova ölüb, R.Cavadova isə xəstəxanaya yerləşdirilib.
Bakı Şəhər Prokurorluğu və Şəhər Baş Polis İdarəsinin birgə məlumatına görə, fakt üzrə Nizami Rayon Polis İdarəsinin istintaq şöbəsində Cinayət Məcəlləsinin 263.3-cü (yol hərəkəti və nəqliyyat vasitələrinin istismarı qaydalarını pozma) maddəsi ilə cinayət işi başlanıb.
Cinayətin törədilməsində şübhəli bilinən sürücü E.Abbasov tutularaq istintaqa cəlb olunub. -03D-
Cəmiyyət
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
-
Fevralın 13-də paytaxtda və Abşeron yarımadasında yağıntı gözlənilir. Şimal-qərb küləyi cənub-şərq küləyi ilə əvəz olunacaq. Havanın temperaturu gecə 1-3, gündüz 5-8 dərəcə, nisbi rütubət 70-80% təşkil edəcək.
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
Rəy yaz