Nazir Əbülfəz Qarayev: �İşğal edilmiş ərazilərdə çalışan təşkilatlar �qara siyahı�ya daxil ediləcək�

Bakı/19.04.17/Turan:  Azərbaycanın işğal edilmiş ərazilərində qazıntı işləri aparan əcnəbilər “qara siyahı”ya daxil ediləcək. Bu barədə ölkənin mədəniyyət və turizm naziri Əbülfəz Qarayev bildirib.

O, jurnalistlərlə söhbətində deyib ki, hazırda bir çox şirkət və ayrl-ayrı şəxslər Azərbaycanın ermənilər tərəfindən işğal edilmiş ərazilərində bərpa və ya qazıntı işlərinin aparılması ilə məşğuldur.

“Əslində bu fəaliyyət tarixin saxtalaşdırılmasına yönəlib və təəssüf ki, bunda bəzi ölkələrin elmi xadimləri də iştirak edirlər. Bu cür faktlar aşkarlanarsa Azərbaycan həmin təşkilatlarla və şəxslərlə əməkdaşlığa son qoyacaq”, - o bildirib.

Qeyd edək ki, bir neçə ildir ki, erməni tərəfi Dağlıq Qarabağ və onun ətrafında arxeoloji qazıntılar və ya tarixi abidə və obyektlərdə bərpa işləri aparır. Bu fəaliyyətdə məqsəd onların erməni mənşəli olduğunu sübut etməkdir. Bu işlərin bir hissəsi xarici mütəxəssislər və alimlər tərəfindən həyata keçirilir.-02D-