Avropa Şurasının Birgə İşçi qrupu ilə əməkdaşlığı dayandırması xoşagələn hal deyil, amma buna baxmayaraq, qurum olaraq fəaliyyətimizi davam etdirəcəyik. İşçi qrupun üzvü Novella Cəfəroğlu bunu Turan-a bildirib.
Onun sözlərinə görə, Şuranın əməkdaşlığı dayandırmasının səbəblərinə aydınlıq gətirməyə çalışacaqlar. N.Cəfəroğlu İşçi qrupu vasitəsilə həbsdə olan siyasi məhbusların, eləcə də digər məhbusların taleyinə müsbət mənada təsir etməyin mümkünlüyünü vurğulayıb. “İşçi qrup məhbusların vəziyyətini yaxşılaşdırmağa, əsassız həbs edilənləri xilas etməyə xidmət edən mexanizmdir, odur ki, bu mexanizmin fəaliyyətini davam etdirmək düşüncəsindəyik”, deyə N.Cəfəroğlu qeyd edib.
O, Avropa tərəfilə əlaqə yaratdıqdan sonra bu haqda mətbuata açıqlama verəcəyini nəzərə çatdırıb.
Xatırladaq ki, ilk dəfə işçi qrup 2003-cü il prezident seçkilərdinən sonrakı kütləvi həbslərlə bağlı yaradılıb. Qurum 2003-2005-ci illərdə fəaliyyət göstərib. O zaman qrupun tərkibi hüquq-mühafizə və hüquq müdafiəçiləri təmsilçilərindən ibarət idi.
2005-ci ildən sonra qrupun nəzərəçarpan elə bir ciddi fəaliyyəti olmayıb.
Birgə İşçi Qrup məsələsi bir də bu ilin aprelindən aktuallıq kəsb etməyə başlayıb. Bu da ölkədə çoxsaylı siyasi məhbusların olması ilə bağlı idi. Bu qrupun tərkibinə hökumət, hüquq müdafiəçiləri və Avropa Şurası təmsilçiləri daxil idilər. Avropa Şurası nümayəndələri Şuranın qrupla əməkdaşlığı dayandırmasına dair bu günlərdə açıqlama ilə çıxış ediblər. -05B-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz