Cümə axşamı Qadın Hüquqlarını Müdafiə Cəmiyyətində (QHMC) qadın hüquqlarının müdafiəsində qanunvericilikdəki boşluqlarla bağlı mətbuat konfransı keçirilib.
Cəmiyyətin rəhbəri Novella Cəfəroğlu son zamanlar artan boşanmalar, ailələrin dağılması, boşanmaların doğurduğu problemlər haqda danışıb. O bildirib ki, bu boşanmalardan sonra qadın və uşaqlar kifayət qədər qanunun qoruması altına alınmır. Cəmiyyət sədri azyaşlı uşaqların analardan alınması, alimnet verilməməsi, qadın və uşaqların yaşayış sahəsilə təmin olunmaması kimi halların artmasına diqqət çəkib.
Qanunvericilikdə “uşaqların daha imkanlı valideynin yanında qalması” müddəası əsasız sayılıb. 10 yaşına qədər övladların ananın yanında qalmasının qanunda birmənalı əksini tapması təklifi səsləndirilib. Bundan əlavə, boşanmalardan sonra qadınların yaşayış sahəsilə təmin edilməməsi də ciddi tənqid edilib. Sovet zamanında nikah hüququnda qadına yaşayış sahəsi verilməsi kimi müddəanın olduğu xatırladılıb. Bu müddəanın indi də qanunvericilikdə əksini tapması təklifi irəli sürülüb.
Qadınların alimentlə təmin edilməsi sahəsindəki problemlər də diqqət mərkəzinə çəkilib. Bu sahədə kişilərin gəlirlərini gizlətməsi, aşağı maaş almaları haqda arayışlar təqdim etməsi, alimenti verməkdən imtina etməsi kimi hallar olması nəzərə çatdırılıb. Natiqlərə görə, burada ən doğru çıxış yolu dövlətin qadına aliment kəsməsi, qadının həyat yoldaşından alimenti isə dövlətin xeyrinə əlavə faizlərilə birgə tutmasıdır.
İndiki halda ailə qurulmasına gəlincə, natiqlər nikah müqaviləsi olmadan ailə qurulmasına müsbət yanaşmayıblar. Onların fikrincə, nikah müqaviləsi nikahla bağlı hər-hansı problem olduqda qadının hüquqlarının müdafiəsi üçün hüquqi sənəd rolunu oynayır.
Bu sahədə daha bir maraqlı məsələ kimi diqqəti ailədaxili zorakılıq cəlb edib. Natiqlərə görə, ailədaxili zorakılığa görə cəzalar və onların müddəti sərtləşdirilərsə, ailələrdə qadınlara fiziki zorakılıq minimum həddə düşər.
Natiqlər qeyd ediblər ki, səsləndirdikləri təklifləri aidiyyatı dövlət qurumlarına ünvanlamaqla bərabər, həm də qanunvericilikdə əksini tapa bilməsi üçün parlamentə də göndərəcklərini nəzərə çatdırıblar. -05B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz