Bakı/28.04.17/Turan: Xalq Cəbhəsi Partiyasının (AXCP) Neftçala rayon təşkilatının sədri Əflatun Əhmədli və həyat yoldaşı Ülkər Əhmədli müəllim işlədikləri məktəblərdə işdən azad ediliblər.
Əhmədli bu qərarın siyasi motivli və onun müxalif fəaliyyəti ilə bağlı olduğunu düşünür. O, Turan-ın müxbiri ilə söhbətində bildirib ki, aprelin 25-də rayon təhsil şöbəsinə çağırılıb, burada ondan Bakıda müxalifətin 8 aprel mitinqində iştirak edib etmədiyini soruşublar.
“Mən iştirak etmədiyimi dedim, amma məndən izahat yazmağı tələb etdilər və mən imtina etdim. Sonra AXCP sıralarından çıxmağı tələb etdilər və mən yenə imtina etdim.
Bundan sonra məni və həyat yoldaşımı Əmək Məcəlləsinin 70-ci maddəsi ilə, yəni əmək müqaviləsinin tələblərini pozmaq ittihamı ilə işdən azad etdilər”, deyə Ə.Əhmədli bildirib.
O, Mayak kəndində 1 nömrəli məktəbdə fizika müəllimi işləyirdi, həyat yoldaşı isə Neftçala şəhərinin 3 nömrəli məktəbində rus dili dərsi deyirdi.
Əhmədli işdən çıxarılmasının səbəbinin uydurma olduğunu, əsl məqsədin onu siyasi fəaliyyətinə görə cəzalandırmaq olduğunu hesab edir.
Sözügedən məktəblərin direktorları şərh verməkdən çəkiniblər və rayon təhsil şöbəsinə müraciət etməyi tövsiyə ediblər.
Rayon təhsil şöbəsinin müdiri Əjdər Kərimov Turan-a bildirib ki: “Bu qərar hər iki məktəbin pedoqoji şuralarının, həmkarlar ittifaqlarının mövqeyi əsasında verilib və təhsil şöbəsi də bunu əsaslı sayıb. Hər iki şəxsin məktəbdə müəllimlikdən azad olunmasına bir neçə səbəb olub. Həm əmək intizamını pozublar, həm məktəbdə siyasi loyallıq prinsipinə əməl etməyiblər, həm hakimiyyət əleyhinə danışıblar, halbuki, siyasi baxışlar məktəbdə ifadə edilə bilməz, bundan kənarda olmalıdır. Belə prinsiplərə əməl etmədilər, nəticədə də məktəblər bu qərarı verməli oldular”. -05B06-
Cəmiyyət
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
Rəy yaz