“Bahar” əməliyyat şirkətində neftçilərin işdən azad olunması prosesi davam edir. Bu haqda Turan-a Heftçilərin Hüquqlarını Müdafiə Komitəsinin (NHMK) sədri Mirvari Qəhrəmanlı bildirib.
Onun sözlərinə görə, bu haqsızlığa cavab olaraq işdən azad edilən neftçilərin bir qismi yanvarın 7-də aksiyalara hazırlaşır. Amma aksiyanın keçiriləcəyi yer və vaxt barədə açıqlama vermirlər.
M.Qəhrəmanlı sahibi iş adamı Hafiz Məmmədov olan “Bahar” əməliyyat şirkətindən 150-dən çox adamın işdən azad edildiyini deyib. Onların arasında orta yaş həddinin 35-40 arasında olduğunu bildirib.
Komitə sədri neftçilərin işdən azad edilməsini qanunsuz adlandırıb. Dövlət Əmək Müfəttişliyini, Həmkarlar İttifaqları Konfederasiyasını, Neft-Qaz İşçiləri Həmkarlar İttifaqlarını ölkədə əmək qanunvericiliyinin pozulmasına cinayətə bərabər seyrci münasibət tutmaqda ittiham edib.
İşdən azad edilənlər arasında tələbə oxudan, şikəst övlad müalicə edən və s. sosial katqoriyaya aid şəxslər olduğu xatırladılıb. M.Qəhrəmanlı ARDNŞ-nin özündə də ixtisar adı ilə neftçilərin işdən azad edilməsi prosesinin davam etməsinə diqqət çəkib. O, kütləvi işdən azad edilmələr nəticəsində ölkədə işsizlərin sayının əhəmiyyətli dərəcədə artacağını nəzərə çatdırıb. “Belə əməllər ölkəni yavaş-yavaş “sosial partlayış”a tərəf aparır, bunun cavabını kim verəcək?”, deyə komitə sədri ölkənini gələcəyilə bağlı xəbərdarlıq edib. -05B-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz