Azərbaycan və Ermənistan xarici işlər nazirləri Elmar Məmmədyarov və Edvard Nalbandyanın görüşü, ehtimal ki, yanvarın üçüncü dekadasında keçiriləcək, bu barədə diplomatik mənbə bildirib. Yaxın günlərdə ATƏT-in Minsk qrupunun həmsədrləri ATƏT-in hazırki sədri, İsveçrə xarici işlər naziri Didye Burkhalterlə danışıqların formatını müzakirə etmək üçün Cenevrəyə səfər edəcəklər.
Azərbaycan və Ermənistan prezidentlərinin görüşü bəlkə də ən tez fevralda keçiriləcək və hər şey danışıqların gündəliyinin hazır olmasından asılı olacaq, deyə mənbə qeyd edib.
Bukhalterin sədr vəzifəsinə başladıqdan dərhal sonra Andjey Kasprşikin Ermənistan-Azərbaycan münaqişə zonasında ATƏT-in fəaliyyətdə olan sədrinin şəxsi nümayəndəsi mandatını uzatması faktı gələcək danışıqların hazırlığı prosesinin tam sürətlə getdiyini göstərir. Bu, Kasprşikin sayca 17-ci təyinatıdır, o, artıq münaqişənin tənzimlənməsi və tərəflərin təmas xəttində hərbi gərginliklərin qarşısının alınması prosesində vasitəçi kimi böyük təcrübə əldə edib.
Dekabrın sonlarında ATƏT-in Minsk qrupunun həmsədrləri dekabrın 15-19-da regiona səfərin nəticələri üzrə bəyanat yayıblar. Sənəddə onlar “tərəfləri gərginliyi artıra biləcək əməllərdən çəkinməyə və danışıqlar masası arxasında irəliləyişə şərait yaradan mühiti qoruyub saxlamaq üzərində işləməyə çağırıblar”. Həmsədrlər “bu yaxınlarda sərhəddə sülh əldə edilməsi perspektivlərini sarsıdan zorakılıq aktları ilə bağlı narahatlıqlarını” ifadə ediblər.
Həmsədrlər İqor Popov (RF), Jak For (Fransa), Ceyms Uorlik (ABŞ) və ATƏT-in fəaliyyətdə olan sədrinin şəxsi nümayəndəsi Andjey Kasprşik Azərbaycan və Ermənistan prezidentləri, habelə Dağlıq Qarabağın erməni icmasının rəhbərliyi ilə görüşüblər.
Yerevanda və Bakıda məsləhətləşmələr zamanı həmsöhbətlər Ermənistan və Azərbaycan prezidentlərinin noyabrın 19-da Vyanada keçirilmiş görüşü, habelə Ermənistan və Azərbaycan xarici işlər nazirlərinin dekabrın 4-də Kiyevdə baş tutmuş danışıqları kontekstində Qarabağ münaqişəsinin sülh yolu ilə nizamlanmasının gedişatı haqqında danışıblar. -0-
Siyasət
-
Çərşənbə axşamı ABŞ prezidenti Donald Tramp ilk beynəlxalq qonağını - İsrailin baş naziri Binyamin Netanyahunu Ağ Evdə qarşılayıb.
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
-
Qazaxıstan Respublikasının Nəqliyyat Nazirliyi 25 dekabr 2024-cü il tarixində Aktau yaxınlığında baş vermiş Azərbaycan Hava Yollarına məxsus Embraer-190 təyyarəsinin qəzaya uğraması ilə bağlı ilkin araşdırma hesabatını dərc edib. Hesabat nazirliyin rəsmi saytında açıq şəkildə yayımlanıb.
Rəy yaz