![Nəhayət, Azərbaycan səfirliyinin əməkdaşları Orxan Zeynalova baş çəkiblər](https://turan.az/resized/media/2013/main/102300054600-750-500-resize.webp)
Nəhayət, Azərbaycan səfirliyinin əməkdaşları Orxan Zeynalova baş çəkiblər
Oktyabrın 22-də Azərbaycanın Rusiyadakı səfirliyinin əməkdaşları moskvalı Yeqor Şerbakovun qətlində ittiham olunan Azərbaycan vətəndaşı Orxan Zeynalov ilə görüşmək üçün Moskvadakı istintaq təcridxanasına buraxılıblar.
AzərTAc Dövlət Agentliyi Moskva səfirliynə istinadən bildirib ki, görüşdə səfirliyin əməkdaşları O.Zeynalova onun hüquqlarını izah edib və bildiriblər ki, səfirlik onun mənafeyini müdafiə etmək məqsədi ilə vəkil V.Anikuşin və tərcüməçi D.Dadaşova ilə müqavilə bağlaylb. O.Zeynalov saxlandığı gün, habelə istintaq təcridxanasında olduğu dövrdə ona qarşı fiziki tədbirlərin tətbiq edildiyini və əsassız olaraq ləyaqəti alçaldan digər amansız rəftar hallarına yol verildiyini bildiribr.
Səfirliyin tapşırığı ilə vəkil V.Anikuşin kütləvi informasiya vasitələrinin yaydığı xəbərlər, o cümlədən videokadrlar, habelə O.Zeynalovun danışdıqları əsasında bədən xəsarətlərini aşkara çıxarmaq məqsədi ilə saxlanılanın müayinə olunması, ona qarşı fiziki təsir tədbirlərinin tətbiqi faktları üzrə xidməti araşdırma aparılması barədə bir neçə vəsatət qaldırıb, habelə onun barəsində qətimkan tədbirinin seçilməsinə dair apellyasiya şikayəti verib.
O.Zeynalovun nəzərinə çatdırılıb ki, səfirlik istintaqın obyektiv aparılmasını və məhkəmə instansiyalarında işə RF CM və CPM çərçivəsində, Konsul əlaqələri haqqında 1963-cü il tarixli Vyana Konvensiyasının və Azərbaycan Respublikası ilə Rusiya Federasiyası arasında bağlanmış 1995-ci il tarixli Konsul konvensiyasının müvafiq müddəalarını nəzərə almaqla baxılmasını təmin etmək üçün tədbirlər görəcək.
Xatırladaq ki, RF DİN bildirib ki, O.Zeynalov saxlanarkən Şerbakovu öldürdüyünü etiraf edib. Lakin sonradan o, qətli boynuna almaqdan imtina edib.
Şerbakovun ölümü Moskvanın Biryulevo rayonunda qiyamlara səbəb olub. Bu ərazidə keçmiş SSRİ-nin cənub respublikalarından olanların iri ticarət obyektləri cəmləşib.—0--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz