Parisdə UNESCO-nin mənzil-qərargahında böyük Azərbaycan mütəfəkkiri Seyid Yəhya Bakuviyə həsr edilmiş Beynəlxalq Simpozium keçirilib. Bu haqda Dini Komitənin yaydığı açıqlamada deyilir.
“Seyid Yəhya Bakuvi: Tolerantlığın ifadəsi” adlanan simpozium böyük təsəvvüf şeyxi və Xəlvətiyyə sufi təriqətinin banisi Seyid Yəhya Əl-Şirvani Əl-Bakuvinin vəfatının 550 illiyinə həsr edilib. Simpoziumda Seyid Yəhya Bakuvi, banisi olduğu xəlvətiyyə təriqəti barədə danışılıb. Simpoziuma Azərbaycan, Türkiyə, İngiltərə, Fransa, Əlcəzair və digər ölkələrdən tədqiqatçı alimlər, diplomatik nümayəndəliklərin təmsilçiləri, mədəniyyət xadimləri qatılıblar. Tədbirdə çıxış edən Dini Komitənin sədri Elşad İsgəndərov Seyid Yəhya irsi, təsəvvüf yolu haqda danışıb.
BMT-nin Sivilizasiyalar Alyansı üzrə ali nümayəndəsi Nasser Abdulaziz əl-Nasser UNESCO tərəfindən 2013-cü ilin Seyid Yəhya Bakuvi ili kimi qeyd edilməsini əlamətdar hadisə adlandırıb. Onun irsini insanlar və mədəniyyətlər arasında fərqlilikləri birləşdirmək üçün salınan körpü hesab edib.
Nüfuzlu alimlərin iştirakı ilə simpozium “Azərbaycandan dünyaya açılan pəncərə: Seyid Yəhya Bakuvi və Xəlvətilik”, “Azərbaycanda sufilik və Bakuvi irsi“ adlı panellərdə işini davam etdirib. Tədbirdə Seyid Yəhya Bakuvi və banisi olduğu xəlvətiyyə təriqəti barədə məruzələr dinlənilib.-05D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz