Beynəlxalq Ağır Atletika Federasiyası Rusiya, Qazaxıstan və Belarusu Rio olimpiadasından sonra yarışlarda iştirakdan kənarlaşdıra bilər. Diskvalifikasiya barədə qərar 2016-cı ilin payızında qəbul ediləcək. Bu barədə Beynəlxalq Ağır Atletika Federasiyasının (IWF) prezidenti Tamaş Ayan avqustun 16-da bildirib. “Oyunlardan sonra biz bu ölkələri diskvalifikasiya edəcəyik. Mən buna zəmanət verirəm”, - o vurğulayıb.
Ayan qeyd edib ki, bir sıra idmançının dopinq tətbiq etməsilə bağlı təkrar analizin nəticələrinə dair informasiya gözlənilir. O deyib ki, adı çəkilən ölkələrlə yanaşı daha bir neçə ölkə kənarlaşdırıla bilər. IWF prezidentinin sözlərinə görə, diskvalifikasiya barədə yekun qərar “sentyabrın sonları və ya oktyabrın əvvəllərində” qəbul edilə bilər.
Xatırladaq ki, Qazaxıstan yığma komandasının qızıl medalı var. Birinci yeri əslən azərbaycanlı Nicat Rəhimov (77 kq.) tutub.
Bundan öncə də qadağan edilmiş preparatların qəbuluna görə Rusiya, Bolqarıstanın ağır atletləri və Azərbaycanın bir neçə ağırlıq qaldıranı Rio-de-Janeyro Olimpiya Oyunlarında iştirakdan kənarlaşdırıb.-02D-
Cəmiyyət
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
-
Talış tarixinin tədqiqatçısı, həbsdə olan İqbal Əbilovun "Fraqmentlər" adlı qısametrajlı filmi daha bir beynəlxalq kinofestivalda ən yaxşı filmlər siyahısına daxil edilib.
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
Rəy yaz