“NİDA Vətəndaş Hərəkatı” bu gün qurum üzvlərinə təzyiqlərlə bağlı bəyanat yayıb.
Müəlliflər artıq 6 gündür ki, Hərəkat üzvü Elgiz Qəhrəman barədə məlumat ala bilmədiklərini bildirirlər. Avqustun 18-də isə Hərəkatın İdarə Heyətinin üzvü Turqut Qəmbər hər-hansı açıqlama verilmədən Bakı Baş Polis İdarəsinə aparılıb. Hərəkat belə qanunsuzluqlarla bağlı narahatlığını ifadə edir.
Bəyanatda deyilir ki, NİDA Vətəndaş Hərəkatının üzvü Elgiz Qəhrəman avqustun 12-də mülki geyimlilər tərəfindən oğurlanaraq, Baş Mütəşəkkil Cinayətkarlığa Qarşı Mübarizə İdarəsinə aparılıb və bu günə kimi ondan xəbər tutmaq mümkün deyil.
Sənəddə E.Qəhrəmanın həbs qərarı haqqında verilən Apellyasiya şikayətinə baxılması üçün avqustun 18-də keçirilən məhkəmə prosesinə gətirilməməsi vurğulanır. Onun adından məhkəməyə həbsinə etiraz etməməsi və məhkəmə prosesində iştirak etmək istəməməsi barədə məktub təqdim edilib. Bəyanatda artıq 6 gündür ki, E.Qəhrəmanın xüsusilə vəkillə görüşünə imkan verilməməsinin narahatlıq doğurduğu vurğulanır: “Bütün bunlar E.Qəhrəmanın işgəncələrə məruz qalması barədə şübhələr doğurur və həyatı ilə bağlı ciddi narahatlığa əsas verir”.
Müəlliflər bəyan edirlər ki, E.Qəhrəmanın həyatı və sağlamlığı ilə bağlı məsuliyyəti birbaşa ölkə rəhbərliyi və şəxsən İlham Əliyev daşıyır.
Bəyanatda Apellyasiya Məhkəməsi önündə NİDA İdarə Heyəti üzvü T.Qəmbərin saxlanılaraq BŞBPİ-yə aparıldığı deyilir: “Bütün bu olanları hakimiyyət tərəfindən NİDA-ya qarşı növbəti repressiya dalğası kimi dəyərləndirir və bu qanunsuzluqlara dərhal son verməyə çağırırıq”.
Müəlliflər bildirirlər ki, repressiv üsullarla, insanların gözünü qorxutmaqla Azərbaycan xalqının problemləri həll olmayacaq, əksinə, cəmiyyətdə gərginlik daha da artacaq, Hərəkat isə mübarizəsindən geri çəkilməyərək Azərbaycan xalqının azadlığı üçün mübarizəni sonuna qədər davam etdirəcək. -0-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz