Məmməd Əzizov
Bakl/15.03.23/Turan: Bu gün Nəsimi rayon Məhkəməsi NİDA Vətəndaş Hərəkatının keçmiş üzvü Məmməd Əzizova mənəvi zərər əvəzi təzminat ödənilməsinə qərar verib. Bu barədə Turan-a onun vəkili Fariz Namazlı məlumat verib.
Vəkil qeyd edib ki, Əzizovun cinayət təqibinin və həbsinin qanunsuz olduğunu təsdiq edən Avropa İnsan Hüquqları Məhkəməsinin qərarından sonra Ali Məhkəmənin Plenumu 2022-ci ildə fəala bəraət verib.
"Biz də məhkəməyə müraciət edərək 100 min manat məbləğində kompensasiya tələb etdik. Məhkəmə 36 min manat kompensasiya təyin edib və biz bu qərarla razı deyilik, apellyasiya şikayəti verəcəyik. Çünki eyni iş üzrə həbs olunmuş digər şəxslərə 66 min manat kompensasiya verilib", deyə vəkil bildirib.
Xatırladaq ki, Əzizov 2014-cü ilin mayında Bakı Ağır Cinayətlər Məhkəməsinin hökmü ilə 7 il 6 ay müddətinə azadlqıdan məhrum edilib. O, qanunsuz narkotik və silah dövriyyəsi, iğtişaşların təşkili maddələri ilə təqsirli bilinib.
2016-cu ildə o, əfv fərmanı ilə azadlığa buraxılıb. 2021-ci ildə Avropa Məhkəməsi onun hüquqlarının pozulduğu qənatəinə gəlib və 20 min avro mənəvi təzminat ödənilməsi barədə qərar verib.
Bunun ardınca Azərbaycan Ali Məhkəməsi Əzizova bəraət verib və əsassız olaraq həbsdə saxlanılması ilə əlaqədar 36 min manat təzminat təyin edib. 21B06
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz