NİDA Gənclər Hərəkatının keçmiş üzvü Elsevər Mürsəlli Sumqayıt Apellyasiya Məhkəməsinin qərarı ilə təhqirdə ittiham olunaraq 3 ay müddətinə azadlıqdan məhrum edilib.
“Azadlıq” radiosu iddiaçının vəkili Ceyhun Yusifova istinadən bildirib ki, məhkəməyə şikayəti müğənni Mətanət İsgəndərova verib.
Müğənni fəalın onu sosial şəbəkələrdə təhqir etdiyini bildirib və CM-in 148-ci maddəsilə (təhqir) mühakimə olunmasını istəyib. Təhqirin nədən ibarət olduğu açıqlanmır.
İlkin olaraq Xaçmaz Rayon Məhkəməsi müğənninin şikayətini qismən təmin edərək fəalı şərti olaraq 6 il azadlıqdan məhrum edib. Lakin iddiaçı razılaşmayıb və apellyasiya verib.
Hakim Hüseyn Nəbiyev 3 ay müddətinə azadlıqdan məhrumetmə hökmü çıxarıb və fəal məhkəmə zalında həbs olunaraq Kürdəxanı təcridxanasına aparılıb.
Xatırladaq ki, 2013-cü ilin martında etiraz aksiyasında iştiraka görə mühakimə olunan E.Mürsəlli 2014-cü ildə dövlət başçısı tərəfindən əfv edilib. Azadlığa çıxdıqdan sonra müxalifətdə olan NİDA hərəkatından çıxdığını və hakim Yeni Azərbaycan Partiyasına daxil olduğunu bəyan edib.-03D-
Cəmiyyət
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
-
Azərbaycanın Milli Hidrometeorologiya Xidməti fevralın 11-də ölkə ərazisində əsasən quru və soyuq hava şəraitinin müşahidə olunacağını, Bakıda və Abşeron yarımadasında isə arabir buludluluğun artacağını proqnozlaşdırıb.
-
Həmkarlar ittifaqına aid qeyri-hökumət təşkilatı olan “İşçi Masası Konfederasiyası”nın sədri Afiyəddin Məmmədov, Azərbaycanda sosial şəraitin pisləşməsi və vətəndaşların həbsi ilə bağlı etiraz əlaməti olaraq həbsxanada müddətsiz aclıq aksiyasına başlayıb, onun ailəsi cümə günü bildirib.
-
Abşeron rayonunun Xırdalan şəhərində yerləşən çoxmərtəbəli yaşayış binasında yanğın baş verib. Hadisə ilə bağlı Fövqəladə Hallar Nazirliyi (FHN) dərhal əraziyə qüvvələr cəlb edib, rəsmilər şənbə günü bildirib.
Rəy yaz