Azərbaycanın güc strukturları ölkəyə məxsus nömrəli avtomobilin İstanbulda saxlanması faktı ilə bağlı susurlar. İki nəfər Azərbaycan vətəndaşı həmin avtomobildə ümumi çəkisi 33 kiloqramdan çox 39 ədəd qızıl külşə daşıyırmış.
Türkiyə tərəfinin məlumatına görə, qızıl Azərbaycandan qaçaqmalçılıq yolu ilə çıxarılıb.
Hadisədən iki sutka keçsə də güc qurumları hələlik faktı şərh etməyiblər.
Turan-ın Azərbaycan Dövlət Sərhəd Xidmətinən şərh almaq cəhdləri baş tutmayıb. Belə ki, qurumun mətbuat xidmətinin telefonu cavab verməyib.
Prokururluq, DİN və Dövlət Təhlükəsizlik Xidməti də susur. Sərhəddən keçən yüklərin yoxlanmasına cavabdeh olan Gömrük Komitəsindən şərh almaq mümkün olmayıb.
Vəziyyət 2014-cü ildəki böyük qalmaqalı xatırladır. Maye yuyucu vasitə adı altında bir tona yaxın heroin dolu yük maşını Azərbaycan ərazisindən keçmişdi.
O zaman güc qurumları məsələni bir-birinin üzərinə ataraq özlərinin bu işə aidiyyatının olmadığını bildirirdilər.
Qeyd edək ki, əgər qızıl doğrudan da avtomobillə keçirilibsə bu, ancaq Azərbaycanla Türkiyənin ümumi sərhəddi olan Naxçıvanda baş verə bilərdi.
Bu qədər qızılın İran və ya Gürcüstan ərazisindən keçirilməsi ağlabatan deyil.
Bütün bu suallara cavabı güc qurumları verməlidir. Belə ki, başqa vaxt bu qurumlar iki blok siqaret, dərman qutuları və ya bir neçə telefon saxladıqları barədə şövqlə məlumat verirlər.
Praktika göstərir ki, bu cür böyük həcmdə qaçaqmalçılıq qanunlara əməl etməyən yüksək vəzifəli dövlət məmurlarının iştirakı ilə baş verir.02В-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz